وتىرار اۋدانى اكىمى ەرلان ايتاحانوۆتىڭ توراعالىعىمەن اۋداندىق مادەنيەت جانە تىلدەردى دامىتۋ، دەنە شىنىقتىرۋ جانە سپورت بولىمدەرىنە قاراستى مەكەمەلەر مەن مەكتەپتەردىڭ ەسەپتەرى تىڭدالدى دەپ حابارلايدى اۋدان اكىمدىگىنىڭ رەسمي سايتى ەلباسىنىڭ 94 قادامىن، ياعني "اشىق اكىمدىك" جوباسىن ىسكە اسىرۋ ماقساتىمەن.  بۇل تۋرالى «rgmedia.kz» سايتى حابارلايدى.

ەسەپ بارىسىندا  مەكەمە باسشىلارى جىل باسىنان بەرى اتقارعان جۇمىستارى تۋرالى ەسەپتى باياندامالارىن جاساپ، قول جەتكىزگەن جەتىستىكتەر مەن ەل تاۋەلسىزدىگىنىڭ 25 جىلدىعى اياسىندا وتكىزىلەتىن ءىس-شارالارعا توقتالدى.   ەسەپ بارىسىندا اۋدان اكىمى سالا باسشىلارىنا كىتاپحانالارعا وقىرمانداردى كوپتەپ تارتۋ، حالىقتى كىتاپ وقۋعا ىنتالاندىرۋ ماقساتىندا ناسيحاتتىق شارالاردى جۇرگىزۋ ماڭىزدى ەكەندىگىن جەتكىزىپ، مەملەكەتتىك تىلمەن قاتار، اعىلشىن ءتىلىن قاراپايىم دەڭگەيدە مەڭگەرۋگە كۇش سالۋدى، اۋدانىمىزداعى مەملەكەتتىك قىزمەتشىلەردەن ارنايى توپ اشۋىن، وقىتۋ جۇمىستارىن جۇرگىزۋ قاجەتتىلىگىن ايتتى. ال، مادەنيەت سارايى قىزمەتكەرلەرىنىڭ ەل تاۋەلسىزدىگىنىڭ 25 جىلدىعى اياسىندا شالعاي ەلدىمەكەندەرگە گاسترولدىك ساپارعا شىعۋىن ۇيىمداستىرۋدى، مۇنىمەن شەكتەلىپ قالماي جۇيەلى تۇردە ۇنەمى جالعاستىرا وتىرىپ جۇمىس اتقارۋدى تاپسىردى. اۋدان اكىمى  سپورت سالاسىن دامىتۋ بويىنشا بۇقارالىق سپورتتى تۇرعىندار اراسىندا ناسيحاتتاۋ ماقساتىندا اۋداندىق سپورت ءبولىمىنىڭ باسشىسىنا بىرقاتار تاپسىرمالار بەردى. سونىڭ ىشىندە ءاربىر ەلدىمەكەندەردە جەكەمەنشىك جانە مەملەكەتتىك ارىپتەستىك اياسىندا نەمەسە  دەمەۋشىلەردى تارتا وتىرىپ، ويىن الاڭدارىن سالۋ ءۇشىن جۇمىستاردى جۇيەلى تۇردە جۇرگىزۋدى تاپسىردى.

اباي اقپارات