ازاماتتار مەن باسشىلار اراسىنداعى التىن كوپىرگە اينالىپ وتىرعان "اشىق اكىمدىك" جوباسى  تۇرعىنداردىڭ پورتلا، الەۋمەتتىك جەلىلەر ارقىلى ءوز ويلارىن ورتياعا سالىپ، قوعامداعى ءتارتىپ، قۇقىق بۇزۋشىلىقتىڭ الدىن الىپ، تازالىققا ات  سالىسۋىنا ۇلكەن مۇمكىندىك بەرىپ وتىر. بۇل تۋرالى «rgmedia.kz» سايتى حابارلايدى.

بۇگىندە ءوڭىر باسشىسىنا، قالا، اۋدان اكىمدەرىنە تىكەلەي سۇراق قويىپ، ۇسىنىستارىن بىلدىرۋشىلەردىڭ قاتارى كوبەيىپ كەلەدى. ەڭ باستىسى، باسشىلار مەن ماماندار ءاربىر تۇرعىننىڭ سۇراعىن وقىپ، وعان ەگجەي-تەگجەيلى جاۋاپ جازىپ، ماسەلەلەرىن شەشىپ بەرۋدە. حالىق وسىعان ريزا.

قالا اكىمدىگىنە تۇرعىندار تاراپىنان قالا اۋماعىنا كولەڭكەسى كوپ تۇسەتىن ءارى 300 جىلعا دەيىن ءومىر سۇرەتىن قاراتالدى كوپتەپ ەگۋدى ۇسىنىسىپتى.  مىناداي سۇراق كوپتەپ كەلىپ ءتۇسىپتى. ماماندار ۇسىنىستى قابىل الىپ، مىناداي جاۋاپ قايتارعان :" شىمكەنت قالاسىنىڭ ورتالىق كوشەلەرى بويلارىنا بىرقاتار ەرەكشەلىكتەردى ەسكەرە وتىرىپ (جول بويىنداعى ەندى جولاقتارعا، جارىق-باعدارشام جۇيەسىنە كەدەرگى كەلتىرمەيتىن جانە ت.ب) جاي جاپىراقتى ۇيەڭكى ەمەن، تالشىن، كاتالپا جانە قاراعاش اعاشتارى وتىرعىزىلۋدا. 2015 جىلدىڭ كۇز-قىس ماۋسىمىندا بارلىعى 70 مىڭنان اسا اعاش-بۇتا كوشەتتەرى وتىرعىزىلدى.

اعاش كوشەتتەرى جەرگىلىكتى تۇقىمباقتاردان جەتكىزىلۋى تالاپ ەتىلىپ، ءوسىپ-ءونۋى باقىلاۋعا الىنعان. سونىمەن قاتار وسى جۇمىستاردى جالعاستىرۋ ماقساتىندا 2016 جىلى كوكتەم جانە كۇز ماۋسىمدارىندا 90 مىڭنان اسا دەكوراتيۆتى اعاش كوشەتتەر مەن كوپجىلدىق بۇتاقشالار، سوڭىڭ ىشىندە قاراتال اعاشىنىڭ كوشەتتەرىن وتىرعىزۋ جوسپارلانىپ، ورىندالدى".  

اينالانى كوگالداندىرۋ ماسەلەسىنە بەي-جاي قارامايتىن تۇرعىندار اعاش كوشەتتەرىنىڭ وتىرعىزىلعانىنا العىستارىن ءبىلدىردى. 

اباي اقپارات