«اشىق اكىمدىك» جوباسى اياسىندا وڭتۇستىك قازاقستان وبلىسىندا بىرقاتار شارۋالار اتقارىلىپ، كوپتەگەن ماسەلەلەر وڭ شەشىمىن تاپتى. بۇل تۋرالى «rgmedia.kz» سايتى حابارلايدى.

قىسقاشا ايتساق، وقو اكىمدىگىنىڭ رەسمي ۆەب سايتىندا «اشىق اكىمدىك» ءبولىمى اشىلىپ، ونلاين كونفەرەنتسيالار ۇيىمداستىرىلدى. ونداعى سۇراق-جاۋاپتار سول كۇيى وزگەرتىلمەي، وقىرمان تاراپىنا ۇسىنىلدى. كەز-كەلگەن وبلىس تۇرعىنى ۆەب سايتقا كىرىپ، باقىلاي الادى. الەۋمەتتىك جەلىلەردە «اشىق اكىمدىك» جوباسى اياسىندا پاراقشالار اشىلدى. وندا اتقارىلعان جۇمىستار تۋرالى اقپاراتتار جاريالاندى. سونىمەن بىرگە، بايلانىس ورتالىقتارى، سەنىم تەلەفوندارى قارقىندى تۇردە جۇمىس ىستەي باستادى. بۇل جايلى وبلىس تۇرعىندارىنا جان-جاقتى حابارلاندى. وسى ۋاقىتقا دەيىن وبلىس اكىمىنە «اشىق اكىمدىك» شەڭبەرىندە ءاليا سابىروۆا ەسىمدى ازامات بىلاي دەپ ساۋال جولدادى.

سۇراق: قۇرمەتتى وبلىس اكىمى! ءبىز ءۇي سالساق با دەپ ءجۇر ەدىك. وسىعان بايلانىستى قۇرىلىستى باستاۋ ءۇشىن رۇقساتتى قالاي الامىز؟

بۇعان وبلىس اكىمى تاراپىنان بىلاي جاۋاپ بەرىلدى: قۇرمەتتى سابىروۆا ءاليا! ءسىز كوتەرىپ وتىرعان ماسەلە وتە ورىندى. «قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى» زاڭىنا سايكەس، رۇقسات بەرۋدىڭ ورنىنا 2013 جىلدان باستاپ قۇرىلىس-مونتاجداۋ جۇمىستارىن جۇرگiزۋ باستالعانعا دەيiن تاپسىرىس بەرۋشi مەملەكەتتiك ساۋلەت-قۇرىلىس باقىلاۋىن جۇزەگە اسىراتىن ورگاندارعا «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا بەلگiلەنگەن تارتiپپەن قۇرىلىس-مونتاجداۋ جۇمىستارىن جۇرگiزۋ جونiندەگi قىزمەتتi جۇزەگە اسىرۋدىڭ باستالعانى تۋرالى حابار بەرۋگە مiندەتتi ەتىپ وڭتايلاندىرىلدى. قازىرگى كەزدە حابارلاما بەرۋ قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 6 قاڭتارداعى №4 «حابارلامالار نىساندارىن جانە مەملەكەتتىك ورگانداردىڭ حابارلامالاردى قابىلداۋ قاعيدالارىن بەكىتۋ تۋرالى، سونداي-اق حابارلامالاردى قابىلداۋدى جۇزەگە اسىراتىن مەملەكەتتىك ورگانداردى ايقىنداۋ تۋرالى» بۇيرىعىنا سايكەس جۇزەگە اسىرىلادى. سونىمەن قاتار، حابارلاما بەرۋشى حابارلامانى ەلەكتروندىق نەمەسە قاعاز جۇزىندە تاپسىرۋعا قۇقىعى بار.

اباي اقپارات