حالىق شىنايى اقپاراتقا قاشاندا مۇقتاج. ءارى بۇل اقپاراتتى وبلىس اكىمى، باسقارما باسشىلارى، جەرگىلىكتى اكىمدەر رەسمي تۇردە تاراتسا، حالىق پەن بيلىك اراسىندا ەشقانداي تۇسىنىسپەۋشىلىك بولمايدى. بۇل تۋرالى «rgmedia.kz» سايتى حابارلايدى.

اكىم – وبلىستا سوڭعى توقەتەر ءسوزدى ايتاتىن، قورىتىندىلايتىن ادام بولىپ ەسەپتەلەدى. حالىق تا وبلىس اكىمىنىڭ سوزىنەن قۋات الادى. وسىعان دەيىن ەلباسى ن.نازارباەۆتىڭ تىكەلەي تاپسىرماسىمەن وڭتۇستىك قازاقستان وبلىسىندا «اشىق اكىمدىك» جوباسى جۇزەگە استى. "اشىق اكىمدىك" جوباسى - جاڭا تەحنولوگيا زامانىنا بەيىمدەلىپ، ارنايى كەزدەسپەي-اق، عالامتور جەلىسى ارقىلى كوپتەگەن ماسەلەلەردى شەشۋگە بولادى. بۇل جوبا بويىنشا، 1 جىلعا جۋىق ۋاقىت ىشىندە ونلاين رەجيمدە كوپتەگەن سۇراقتار قويىلىپ، ارىز-شاعىمدار جىبەرىلىپ، قىسقا مەرزىمدە ولارعا جاۋاپ بەرىلىپ، ارىزدار قاناعاتتاندىرىلدى. سونداي ءبىر ونلاين تىلدەسۋدە وبلىس اكىمى مەن تۇرعىن اراسىندا اشىق ديالوگ ورنادى.  

سۇراق: قۇرمەتتى وڭتۇستىك قازاقستان وبلىسىڭ اكىمى! "نۇرلى جول-بولاشاققا باستار جول" باعدارلاماسى اياسىندا وقو بويىنشا ءبىلىم بەرۋ سالاسىندا بىرقاتار نىساندارعا ۇلتتىق قوردان قوماقتى قاراجات قاراستىرىلعانى بەلگىلى. وبلىسىمىزدىڭ اۋداندار كەسىىندىسىندە اتالعان نىسانداردىڭ قۇرىلىسى، قاي باسىمدىلىقتا باعىتتالعانى جونىندە مالىمەت بەرسەڭىز؟

جاۋاپ: قۇرمەتتى تولەشوۆ ەرمەك! قازىرگى تاڭدا "نۇرلى جول-بولاشاققا باستار جول" باعدارلاماسى اياسىندا، ۇلتتىق قوردان وبلىسىمىزدىڭ اۋداندارىنا ءبىلىم سالاسى بويىنشا 5 959 895,0 مىڭ تەڭگەگە 10 نىساننىڭ قۇرىلىسى جۇرگىزىلۋدە. ونىڭ ىشىندە 2 اپاتتىق مەكتەپتىڭ، 7 ءۇش اۋىسىمدى مەكتەپتىڭ جانە ءبىر 280 ورىندىق بالا-باقشا نىساندارى قامتىلعان. ياعني، ماقتارال اۋدانىندا 1 مەكتەپ، سارىاعاش اۋدانىندا 2 مەكتەپ، سايرام اۋدانىندا 5 مەكتەپ، قازىعۇرت اۋدانىندا 1 مەكتەپ جانە تۇركىستان قالاسىندا 1 بالا-باقشا. باسىم كوپشىلىگىندە حالىق تىعىز ورنالاسقان اۋداندار قامتىلىپ وتىر.

اباي اقپارات