سالىق تولەۋشىنىڭ ەڭ باستى مىندەتى سالىق پەن وزگە دە مىندەتتى بەكىتىلىنگەن زاڭناماعا سايكەس، بيۋدجەتكە تولەمدەردى ۋاقىتىلى جانە تولىقتاي تولەۋ بولىپ تابىلادى. ۋاقىتىلى تولەم جۇرگىزۋ، مەملەكەت الدىنداعى قارىزىنىز قانداي جانە ونى قايدان انىقتاۋعا بولادى؟ بۇل تۋرالى «rgmedia.kz» سايتى حابارلايدى.

قاجەتتى اقپاراتتاردى سالىق باسقارماسى، حقكو-تارى جانە «ەلەكتروندىق ۇكىمەت» پورتالى ارقىلى الۋعا بولادى. بۇگىندە بۇل قىزمەت وڭتۇستىك قازاقستان وبلىسىندا «اشىق اكىمدىك» جوباسى شەڭبەرىندە حقكو جانە «ەلەكتروندىق ۇكىمەت» پورتالى ارقىلى جۇزەگە اسىرىلۋدا.

«سالىقتىق قارىزى، مىندەتتى زەينەتكەرلىك تولەمى، مىندەتتى كاسىبيلىك زەينەتكەرلىك تولەمى مەن الەۋمەتتىك تولەمدەردى دەربەس شوتتان شەشۋ، سالىقتىق مىندەتتەردىڭ جاعدايى بويىنشا قارىزدار، سونىمەن قاتار زەينەتكەرلىك تولەمدەردى ەسەپتەۋ، ۇستاپ قالۋ جانە الەۋمەتتىك تولەمدەردى ەسەپتەپ شىعارۋ تۋرالى مالىمەتتەردى ۇسىنۋ» مەملەكەتتىك قىزمەتى 5,3 جانە 2 جۇمىس كۇن ىشىندە، سۇرانىستىڭ تۇرىنە بايلانىستى كورسەتىلەدى. حقكو ارقىلى انىقتامالاردى بەرۋ بويىنشا مەملەكەتتىك قىزمەتتەردى كورسەتۋ كەزىندە، وتىنىشتەر مەن قۇجاتتاردى قابىلداۋ كۇنى مەملەكەتتىك قىزمەتتى كورسەتۋ مەرزىمىنە كىرمەيدى، سەبەبى، قىزمەت الۋشىنىڭ ءوتىنىشى مەن قۇجاتتارى قاعاز تاسىعىشتا قارالادى.

مەملەكەتتىك قىزمەتتى كورسەتۋ ناتيجەسى:  انىقتامالاردى بەرۋ;   كوشىرمەلەردى بەرۋ;  نەمەسە قىزمەت الۋشىنىڭ لاۋازىمدىق تۇلعاسىنىڭ كۋالاندىرىلعان ەلەكتروندىق ساندىق قولى، ەلەكتروندىق قۇجات نىسانىندا مەملەكەتتىك قىزمەتتى كورسەتۋدەن باس تارتۋ تۋرالى دالەلدەنگەن جاۋابى بولىپ تابىلادى. قىزمەت الۋشىنىڭ لاۋازىمدىق تۇلعاسىنىڭ كۋالاندىرىلعان ەلەكتروندىق ساندىق قولى، مەملەكەتتىك قىزمەتتى كورسەتۋ ناتيجەسى پورتال ارقىلى ۇندەۋى كەزىندە «جەكە كابينەتكە» باعىتتالادى.

اباي اقپارات