قازاقسان تاۋەلسىزدىك العانىنا 25 جىل تولسا دا، وسى قىسقا مەرزىم ىشىندە كوپتەگەن تىرلىكتەردى تىندىردى. بۇل جايلى شەتەل ماماندارى دا، قازاقستان ەگەمەندىك العان 25 جىلدا 50 جىلدىق جوبالاردى ىسكە اسىرىپ تاستادى. بۇل تۋرالى «rgmedia.kz» سايتى حابارلايدى.

مۇندا ەلباسى نۇرسۇلتان نازارباەۆتىڭ سارابدال ساياساتى كوپ ءرول وينايدى. ول شەتەلدەن ءىرى كولەمدە ينۆەستيتسيالار تارتىپ، بولاشاعى زور جوبالاردى حالىق نازارىنا ۇسىندى. سونىمەن قاتار، پرەزيدەنت قازاقساندى ۇزدىك 30-دىققا كىرگىزەر «ناقتى 100 قادام» - ۇلت جوسپارىن قابىلداپ، ونى ىسكە اسىرۋدى ۇكىمەتتەن بولەك، جەرگىلىكتى بيلىك ورىندارىنا دا تاپسىردى. قازىرگى قورعانىس جانە اەروعارىش ونەركاسىبى ءمينسترى بەيبىت اتامقۇلوۆ بۇعان دەيىن وڭتۇستىك قازاقستان وبلىسىنىڭ اكىمى بولىپ تۇرعان كەزدە «ناقتى 100 قادام» - ۇلت جوسپارىنىڭ 94 قادامىنا سايكەس، تۇرعىنداردىڭ اقپاراتقا قول جەتىمدىلىگىن قامتاماسىز ەتۋ ماقساتىندا «اشىق اكىمدىك» جوباسىن ەنگىزدى. سول كەزدە حالىق الدىندا ەسەپ بەرگەندە ب.اتامقۇلوۆ «اشىق اكىمدىك» جوباسى ايلى ايتا كەلە:  

«اقىلدى ايماق» كلاستەرىن قۇرۋ وتە ماڭىزدى. 21 عاسىر – جاڭا تەحنولوگيالار زامانى. بيىك تەحنولوگيالار بولاشاقتا اۋىلشارۋاشىلىق، اسىرەسە ءبىلىم بەرۋ، دەنساۋلىق ساقتاۋ جانە تاعى باسقا ماڭىزدى سالالاردا حالىققا قىزمەت ەتۋ كەرەك. بۇل ءۇشىن وبلىستا «اقىلدى ايماق» كلاستەرىن قۇرۋ ماڭىزدى. ياعني قوعامنىڭ ءار سالاسىنا، اسىرەسە الەۋمەتتىك سالاعا IT-تەحنولوگيالارىن كوپتەپ ەنگىزۋ. سونىڭ ءبىرى – «Smart Ontustik» جوباسى. بۇل جوبانىڭ نەگىزگى ماقساتى – حالىقتىڭ ءومىر ءسۇرۋ ساپاسىن جاقسارتۋ. بولاشاقتا «Smart Ontustik» جوباسى ارقىلى جەر تەلىمدەرىن راسىمدەۋ، بالانى بالاباقشاعا كەزەككە تۇرعىزۋ، بالانىڭ دەنساۋلىق پاسپورتىن جۇرگىزۋ سياقتى ماسەلەلەردى جەڭىلدەتۋدى جوسپارلاپ وتىرمىز. جانە حالىقتىق باقىلاۋ ورناتۋعا مۇمكىندىك تۋعىزامىز. بۇل «اقىلى ايماق» كلاستەرى ەلباسى ن.نازارباەۆتىڭ «ناقتى 100 قادام» - ۇلت جوسپارىنىڭ 94 قادامىنا سايكەس «اشىق اكىمدىك» جوباسى اياسىندا جاسالىپ وتىر. وسى ارقىلى تۇرعىندارعا ەسەپ بەرىلەدى. ولار وبلىسىمىزدا اتقارىلىپ جاتقان جۇمىستار جايلى بىلۋگە قۇقىلى»، - دەپ ايتتى.

«Smart Ontustik» جوباسى وڭىرىمىزدە كەزەڭ-كەزەڭمەن جۇزەگە اسىرىلا بەرەدى. قازىردىڭ وزىندە بالانى بالاباقشاعا ورنالاستىرۋ جەڭىلدەپ كەلەدى. الداعى ۋاقىتتا بۇل جوبا باسقا سالالاردى دا تولىقتاي قامتيدى. 

اباي اقپارات