تاۋەلسىزدىكتىڭ 25 جىلدىعىنا وراي، «25 جۇلدىزدى كۇن» اكتسياسى اياسىندا ورداباسى اۋدانىندا مەملەكەتتىك جانە جەكەمەنشىك ارىپتەستىك نەگىزىندە 3 بالاباقشا اشىلىپ، وسىلايشا ىسكە قوسىلعان جەكەمەنشىك بالاباقشا سانى 25-كە جەتتى.
مەرەيلى كۇنى قاجىمۇقان اۋىلىندا «التىنشاش انا» بوبەكجاي بالاباقشاسى اشىلىپ ەل يگىلىگىنە بەرىلدى. اتالعان بوبەكجايدا 125 ءبۇلدىرشىن 5 توپقا ءبولىنىپ تاربيە الۋدا. سونىمەن قاتار مۇندا 21 ادام تۇراقتى جۇمىسپەن قامتىلدى.
وسى كۇنى شۇبارسۋ اۋىل وكرۋگىندە پايدالانۋعا بەرىلگەن «اينازيا» بالاباقشاسىندا 6 توپتا 150 بالا تاربيەلەنبەك. زامان تالابىنا ساي جابدىقتالعان بۇل بالاباقشادا جاس وسكىندەردى ساپالى تاربيەلەپ، وي ورىستەرىنىڭ وسۋىنە، ياعني ءبىلىمدى بولىپ ەر-جەتۋىنە بارلىق جاعداي جاسالعان.
سونىمەن قاتار، بادام اۋىلىنداعى «التىن وردا» بوبەكجاي بالاباقشاسى پايدالانۋعا بەرىلىپ، بۇلدىرشىندەر مەن اتا-انالاردى قۋانىشقا بولەدى. ءبىلىم مەن تاربيە ىسىنە ءوز ۇلەستەرىن قوساتىن مەكتەپكە دەيىنگى مەكەمەدە 150 بالاعا تاربيە الماق. مۇندا 28 ادام جۇمىسپەن قامتاماسىز ەتىلگەن.
تۇرعىنداردىڭ قۋانىشىمەن بولىسە كەلگەن اۋدان اكىمى ا.مامىتبەكوۆ اۋىل تۇرعىندارىن تاۋەلسىزدىك مەرەكەسىمەن قۇتتىقتاپ، جەكە كاسىپكەرلەرگە العىس ايتتى.
جالپى ورداباسى اۋدانى بويىنشا بۇگىنگى تاڭعا جەكەمەنشىك بالاباقشا سانى 25-كە جەتتى. بۇگىنگى كۇنى اۋدانداعى 40 بالاباقشا مەن 21 شاعىن ورتالىقتا 6375 بالا مەكتەپكە دەيىنگى ءبىلىم مەن تاربيەمەن قامتىلعان. بۇل اۋدان بويىنشا بۇلدىرشىندەردىڭ 82,9 پايىزىن قۇرايدى.

اباي-اقپارات