اپوستيل قىزمەت ءتۇرىن ەندى «اشىق اكىمدىك» جوباسى اياسىندا وقو-نىڭ حقكو-دا نەمەسەwww.e.gov.kz«ەلەكتروندىق ۇكىمەت» ۆەب – پورتالى ارقىلى جۇزەگە اسىرىلۋدا.

«اپوستيل» ءسوزى – قۇجاتتىڭ زاڭدىلىعى تۋرالى مالىمەتتەردى تولتىرۋدىڭ حالىقارالىق ستاندارتتالىنعان نىسانى بولىپ تابىلادى. «اپوستيل» ءمورتاڭباسى تەك قانا مەملەكەتتىك ۇلگىدەگى قۇجاتتاردىڭ تۇپنۇسقالارىنا قويىلادى. اپوستيل 1961 جىلى گااگس كونۆەنتسياسىندا قابىلداندى. بۇل ءمورتاڭبا وزگە دە قۇجاتتاردى راستاۋدى نەمەسە قۇجاتتاردى زاڭداستىرۋدى قاجەت ەتپەيدى جانە بارلىق مەملەكەتتىڭ - كونۆەنتسيا قاتىسۋشىلارىنىڭ رەسمي ورگانى بولىپ تابىلادى.

«قازاقستان رەسپۋبليكاسى مەملەكەتتىك مۇراعاتىنان جانە شەتەلگە جىبەرەتىن مۇراعاتتىق شىعىس قۇجاتتارىنىڭ كوشىرمەسىن جانە مۇراعاتتىق انىقتامالاردى اپوستيلگە قويۋ» قىزمەتى اقپاراتتىق كوميتەتى جانە مۇراعاتتار مينيسترلىگى كورسەتەدى. قۇجاتتاردى قابىلداۋ جانە مەملەكەتتىك قىزمەتتەردى كورسەتۋ ناتيجەسىن بەرۋ:  قىزمەت بەرۋشىلەر، حقكو، نەمەسەwww.e.gov.kz«ەلەكتروندىق ۇكىمەت» ۆەب – پورتالى ارقىلى جۇزەگە اسىرىلادى. قۇجاتتار قىزمەت بەرۋشىگە قۇجاتتار پاكەتىن تاپسىرعان ساتتەن باستاپ جانە پورتال ارقىلى 3 جۇمىس كۇن ىشىندە دايىن بولادى، ال ەگەر حقكو ارقىلى تاپسىرىلسا، وندا قۇجاتتاردىڭ دايىندىعى 20 كۇنتىزبەلىك كۇنگە دەيىن سوزىلادى.

حقكو-عا جولىققان كەزدە مەملەكەتتىك قىزمەتتەردى كورسەتۋ ءۇشىن قاجەتتى قۇجاتتار ءتىزىمى: قىزمەت الۋشىنىڭ جەكە باسىن كۋالاندىراتىن قۇجات;  نىسان بويىنشا تولتىرىلعان ءوتىنىش; مۇراعاتتىق انىقتاما جانە (نەمەسە) مەملەكەتتىك مۇراعات بەرگەن ىلەسپە حاتپەن، اپوستيل ءمورتاڭباسى قويىلعان مەملەكەتتىك مۇراعات بەرگەن، مۇراعاتتىق قۇجاتتاردىڭ كوشىرمەسى; مەملەكەتتىك باج سالىعىن تولەگەنىن راستايتىن قۇجات.

اباي اقپارات