ماقتارال اۋدانىندا قازاقستان رەسپۋبليكاسى تاۋەلسىزدىگىنىڭ 25 جىلدىعىندا سالالار بويىنشا جەتكەن جەتىستىكتەر كورسەتكىشتەرىن ناسيحاتتاۋ ماقساتىندا قۇرىلعان وبلىستىق اقپاراتتىق-ناسيحاتتىق توپ مۇشەلەرى ماقتارال اۋدانىندا بولىپ، حالىقپەن كەزدەسىپ، سەمينار وتكىزدى.

بۇل تۋرالى «rgmedia.kz» سايتى حابارلايدى.

سەمينارعا وبلىستىق اقپاراتتىق-ناسيحاتتىق توپ مۇشەسى، وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ دوتسەنتى، ت. ع. ك. انارباەۆ قايرات ساپارحانۇلى، وبلىستىق ىشكى ساياسات باسقارماسىنىڭ وكىلى يساحان گۇلجاۋحار سەرىكقىزى ، قالا، كەنت، اۋىل جانە اۋىلدىق وكرۋگ اكىمدەرى، ءبىلىم سالاسىنىڭ قىزمەتكەرلەرى، اقپاراتتىق-ناسيحاتتىق توپ مۇشەلەرى قاتىستى.

سەمينار بارىسىندا «قر تاۋەلسىزدىگىنىڭ 25 جىلدىعىندا سالالار بويىنشا رەسپۋبليكادا، ونىڭ ىشىندە وڭتۇستىك قازاقستان وبلىسىندا جەتكەن جەتىستىكتەر كورسەتكىشتەرى تۋرالى انارباەۆ قايرات ساپارحانۇلى ەلىمىزدىڭ ەگەمەندىك العان 25 جىل ىشىندە وبلىسىمىزدىڭ ەكونوميكاسى قارقىندى دامىپ، ونىڭ ىشىندە يندۋستريالدى-يننوۆاتسيالىق باعدارلاماسىنىڭ بەلەڭ الىپ كەلە جاتقانىنا كەڭىنەن توقتالۋدا. سونىمەن بىرگە مادەنيەت، ءبىلىم، سپورت، دەنساۋلىق سالالارىنىڭ دا كوپتەگەن جەتىستىككە جەتكەنىن اتاپ ءوتىپ، حالىقپەن كەزدەسۋ بارىسىندا تاجىربيەلەرىنىڭ ءادىس-تاسىلدەرىمەن بولىسەتىن بولادى.

ءبىر ايتا كەتەرى، «اشىق اكىمدىك» جوباسى اياسىندا جەرگىلىكتى اكىمدىكتەر حالىققا كەز-كەلگەن اقپاراتتىق اشىقتىعىن قامتاماسىز ەتىپ كەلەدى. وبلىسىمىزدا مەملەكەتتىك ورگانداردىڭ اتقارعان جۇمىستارىن حالىققا جەتكىزۋ، تالاپ-تىلەكتەرىن تىڭداۋ، ساۋالدارىنا جاۋاپ بەرۋ شارالارى باسقا دا اۋدان-قالالاردا جۇرگىزىلۋدە.

اباي اقپارات