ەلباسى «ناقتى 100 قادام» - ۇلت جوسپارىنىڭ بەسىنشى باعىتىندا ەسەپ بەرەتىن مەملەكەت قۇرۋ كەرەكتىگىن ايتىپ ءوتتى. سول سەبەپتى، جەرگىلىكتى اكىمدىكتەرگە قىزمەتتى وڭتايلاندىرۋ قاجەتتىگىن ايتىپ، حالىققا ەسەپ بەرەتىن تەتىكتەردى دامىتۋ قاجەتتىگىنە توقتالدى. وسى باعىتتا وڭتۇستىك قازاقستان وبلىسىندا «اشىق اكىمدىك» جوباسى ىسكە قوسىلىپ، پرەزيدەنت تاپسىرماسىن رەسپۋبليكادا ءبىرىنشى بولىپ ىسكە اسىردى. وبلىس ورتالىعى شىمكەنت قالاسىندا «اشىق اكىمدىك» جوباسى زور قارقىنمەن جۇزەگە اسۋدا. جاقىندا شىمكەنت قالاسىنىڭ رەسمي سايتى بەينەماتەريال تۇرىندە حالىققا ءبىر جىلدا اتقارىلعان جۇمىستارى تۋرالى «اشىق اكىمدىك» جوباسى شەڭبەرىندە ەسەپ بەردى. بۇل بەينەماتەريال شىمكەنت قالاسىنىڭ رەسمي سايتىنا ورنالاستىرىلدى.

تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى سالاسى قالا تۇرعىندارى ءۇشىن ەڭ ماڭىزدى سالانىڭ ءبىرى بولىپ تابىلادى. سول سەبەپتى، كوممۋنالدىق شارۋاشىلىق باعدارلاماسى بويىنشا اتالعان سالالارعا بيىلعى جىلى 6,5 ملرد تگ جۋىق قارجى ءبولىندى. بۇل دەگەنىمىز وتكەن جىلعىمەن سالىستىرعاندا 1,2 ملرد تەڭگەگە وسكەن. ال، 2015 جىلعا قاراعاندا 13,3 ملرد تەڭگەگە ارتىق. وسىلايشا كولىك ينفراقۇرىلىمىن دامىتۋ بويىنشا وتكەن جىلمەن سالىستىرعاندا بولىنگەن قارجىنىڭ كولەمى شامامەن 6 ملرد تگ وسكەن. وسىعان بايلانىستى قالاىشىلىك جولداردىڭ جالپى ۇزىندىعى 2810 كم جانە 2331 كم دەيىن ءوستى.

  2016 جىلى جەرگىلىكتى بيۋدجەت ەسەبىنەن شاھارداعى 21 كوشە جارىقتاندىرىلدى. 6 ساياباقتا تۇنگى شامدار قويىلىپ، 30 جولاقتى جولدار توسەلدى. جارىقتاندىرۋ بويىنشا وسى ۋاقىت ىشىندە قالا اۋماعىندا 30 مىڭ دانا جارىق شىراقتارى ورناتىلعان. ول 24 كوشە مەن 689 اۋلا، قوسىمشا 4 كوشەگە قايتا قۇرۋ جۇمىستارى جۇرگىزىلىپ، قازان ايىنا دەيىن پايدالانۋعا بەرىلمەك. بۇعان جەرگىلىكتى بيۋدجەتتەن 455.7 ملن. تەڭگە بولىنگەن. اسىرەسە شاھاردا جاياۋ جۇرگىنشىلەر مەن ۆەلوسيپەدشىلەرگە ارنالعان جولداردىڭ قۇرىلىسى قارقىندى تۇردە جۇرگىزىلۋدە. بيىل قالالىق بيۋدجەتتەن تروتۋارلار جانە ۆەلوسيپەد جولاقتارىن سالۋعا 2 353.0 ملن. تەڭگە قارجى قارالعان. 

ايتا كەتەرلىگى، قازىرگى تاڭدا قادا اكىمى عابيدوللا ءابدىراحىموۆتىڭ تاپسىرماسىنا سايكەس «تازا قالا»، «تازا اۋلا» قۇرۋ ءۇشىن شاھارداعى تۇرعىن ءۇي اۋلالارىندا جاڭا قوقىس ساندىقتارىن ورناتۋ ءارى جاڭارتۋ قۇرىلىسى بويىنشا جۇمىس ىستەلىنۋدە.

اباي اقپارات