بيىل وڭتۇستىك قازاقستان وبلىسىنىڭ باعباندارى گەكتارىنا 50 تونناعا دەيىن ءونىم الدى. بۇل سوڭعى تەحنولوگيالاردى قولدانۋ ارقىلى ەگىلگەن باۋدىڭ جەمىسى. ەلىمىزدىڭ وڭتۇستىگىندەگى ديقاندار باۋ-باقشا ونىمدەرى مەن كوكونىستەرگە دەگەن سۇرانىستىڭ باسىم بولىگىن قامتاماسىز ەتىپ وتىر.

سوڭعى جىلدارى وڭتۇستىك باعباندارى باۋ ەگۋدىڭ وزىق ادىستەرىنە كوشە باستاعان بولاتىن. بيىل وڭتۇستىك قازاقستاندا جينالعان الما، المۇرت، ءجۇزىمنىڭ كورسەتكىشى وتكەن جىلدارداعىدان جوعارى. ويتكەنى جەمىستىڭ كوبى قارقىندى باۋدان جينالادى. نارىققا بەيىمدەلگەن شارالار، باعباندار اۋ اۋماقتان كوپپ ءونىم الاتىن تەحنولوگيانى مەڭگەرىپ كەلەدى. اۋىل شارۋاشىلىعى سالاسى ماماندارىنىڭ ايتۋىنشا، كلاسسيكالىق باۋلارعا ءبىر گەكتارعا 250 تۇپكە دەيىن عانا كوشەت وتىرعىزىلادى، ال قارقىندى باۋلارعا ءبىر گەكتارعا ءۇش مىڭ تۇپكە دەيىن الما اعاشىن وتىرعىزۋعا بولادى. قارقىندى باق بەس ەسەگە دەيىن كوپ ءونىم بەرەدى. باۋدى مىندەتتى تۇردە تامشىلاتىپ سۋعارۋ كەرەك. وسى جولمەن سۋعارىلعاندا عانا مينەرالدىق تىڭايتقىشتار كوشەتتەردىڭ تامىرىنا ىسىراپسىز تەز جەتەدى. ال تىتسعىز ورنالاسقان اعاشتاردىڭ بويى الاس بولىپ كەلەدى. مۇنىڭ دا ءوز تيىمدىلىگى بار. مىسالى، الما باعىنا جۇمسالاتىن شىعىننىڭ الپىس پايىزى الما جيناۋعا كەتەدى ەكەن، ال قارقىندى باقتارداعى المالاردىڭ بيىكتىگى نەبارى 2-2,5 مەتر بولعاندىقتان الما جيناۋ مۇمكىنشىلىگى بىرنەشە ەسەگە ارتادى. وسى ارقىلى شىعىندى ۇنەمدەيمىز. جاڭا ءادىستى وڭتۇستىكتىڭ ديقاندارى جاتسىنباي بىردەن قابىلادى، سوڭعى ەكى-ءۇش جىلدا ءونىمنىڭ كولەمى ايتارلىقتاي ارتتى. ارنايى باعدارلاما بويىنشا 2020 جىلعا دەيىن قارقىندى باۋدىڭ كولەمى 20 مىڭ گەكتارعا دەيىن ۇلعايتىلماق. العاشىندا قارقىندى باۋعا بەيىمدەلگەن كوشەتتەر ەلىمىزگە ەۋروپا ەلدەرىنەن اكەلىندى. الدىڭعى جىلدان بەرى «امانگەلدى» شارۋاشىلىعى كوشەتتەردى ءتالىم باقتا ءوسىرىپ باعباندارعا جەرسىنگەن، ءوزىمىزدىڭ سورتتاردى ۇسىنا باستادى. ەلىمىزدىڭ وڭتۇستىگىندە اشىق كۇندەر كوپ، تەمپەراتۋرا جوعارى. سوندىقتان دا ءجۇزىم جاقسى وسەدى. ءجۇزىمنىڭ تايفي سورتىنىڭ قۇرامىنداعى قانت 27 پايىزعا دەيىن جەتەدى. ال بۇل ادام اعزاسىنا وتە پايدالى. جاقسى باپتالعان ءجۇزىمنىڭ ءبىر ساعىنىڭ سالماعى 5 كەلىدەن اسادى.

Abai.kz