ماقتاارال اۋدانىنداعى اۋىل شارۋاشىلىعى، ونىڭ ىشىندە ەگىن، باۋ-باقشا ونىمدەرى تەك اۋدان حالقىن عانا قامتاماسىز ەتپەي، باسقا دا ءىرى قالالاردىڭ تۇرعىندارىنا جەتكىزىلىپ تۇرادى. جالپى، ءونىمدى وتكىزۋدە كىدىرىس بولعان ەمەس دەيدى شارۋالار.

اۋدان ورتالىعى جەتىساي قالاسىنىڭ ورتالىق الاڭىندا، شىمكەنت، الماتى، استانا جانە تاعى باسقا قالا¬لاردا اۋداننىڭ اۋىل شارۋا-شىلىعى ونىمدەرىن ساتاتىن جارمەڭكەلەر ۇيىمداستىرىلىپ تۇرادى. نەگىزىنەن، جارمەڭكەدە شارۋالار وزدەرى وندىرگەن اۋىل شارۋاشىلىعى ونىمدەرىن بازارلارداعى نارىقتان 15-20 پايىز ارزان باعاعا ساتادى. قازىرگى كەزدە حالىق مۇنداي جارمەڭكەلەردىڭ ءوتۋىن قولدايدى، سوندىقتان ونىڭ ءجيى ۇيىمداستىرىلىپ تۇرۋى دا زاڭدى. 

بۇگىنگى تاڭدا اۋداندا 57,5 مىڭ توننا ماقتا شيكىزاتى، 584,2 مىڭ توننا باقشا ونىمدەرى، 115,2 مىڭ توننا كوكونىس ونىمدەرى جانە تاعى باسقا اۋىل شارۋاشىلىعى ونىمدەرى ءوندىرىلدى. ايتا كەتەر ءبىر جەتىستىك، نەگىزىنەن اۋداندا وندىرىلگەن اۋىل شارۋاشىلىعى ونىمدەرىنىڭ 65-70% مەن ماقتا شيكىزاتىنىڭ 85-90% شەت مەملەكەتتەرگە ەكسپورتتالادى. مۇنىڭ بارلىعى، ارينە، ەرتە كوكتەمنەن باستالاتىن ناۋقانعا جاۋاپكەرشىلىكپەن قاراۋدا جاتىر. شارۋالار جانار جاعارمايدان قيىندىق كورگەن جوق. بيىل اۋداننىڭ اۋىل شارۋاشىلىعى تاۋارىن وندىرۋشىلەرىنە «ماكسيمۋم» ايو جشس جانە «ىرىس» مقۇ» جشس تاراپىنان كوكتەمگى ەگىن ەگۋ جۇمىستارىنا 379 جوباعا 596,2 ملن تەڭگە نەسيە بەردى. بۇگىنگى تاڭدا 2017 جىلعى كوكتەمگى ەگىن ەگۋ جۇمىستارىنا دا بولىنەتىن قارجىنى شارۋالارعا ءوز ۋاقىتىندا جەتكىزۋ ماقساتىندا قۇجاتتاردى قابىلداۋ قازىردەن جۇرگىزىلۋدە. 

Abai.kz