جاقىندا استانا قالاسىندا وڭتۇستىك قازاقستان وبلىسى اۋىل شارۋاشىلىعى ونىمدەرىنىڭ جارمەڭكەسى ءوتتى. وندا استانالىقتارعا وڭتۇستىك قازاقستان وبلىسىنىڭ 300 توننادان استام اۋىل شارۋاشىلىعى ونىمدەرى نارىقتاعى باعادان 15-20 پايىزعا ارزان ساۋدالاندى. شىن مانىندە بۇل استانالىقتار ءۇشىن ۇلكەن سىي بولعانى راس.

ايتا كەتەر جايت وسى جارمەڭكەدە استانا قالاسىنىڭ اكىمى اسەت يسەكەشەۆ پەن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ قاتىسىپ، اۋىل شارۋاشىلىق ونىمدەرىمەن تانىسىپ قانا قويماي، ازىق-تۇلىك باعاسىنىڭ نەگىزسىز وسۋىنە جول بەرمەيتىن مۇنداي جارمەڭكەلەردى ءجيى ۇيىمداستىرۋ قاجەتتىگىنە توقتالدى. ال مۇنداي نارىقتاعى باعاعا توسقاۋىل قوياتىن جارمەڭكەلەردى وتكىزۋ ءۇشىن وڭتۇستىك وڭىرگە ارتىلار ءۇمىت مول. ءبىر عانا ماقتارال اۋدانىندا بيىلعى جىلدىڭ 9 ايلىق كورسەتكىشى بويىنشا اۋىل شارۋاشىلىق داقىلدارىنان وندىرىلگەن ونىمدەر كولەمى اۋىز تولتىرىپ ايتارلىقتاي دەڭگەيدە بولدى.

ماسەلەن 915,0 توننا كۇزدىك بيداي، 607 966,2 توننا باقشا داقىلدارى، 125 999,0 توننا كوكونىس داقىلدارى بيىلعى جىلدىڭ جەمىستى ەڭبەگىنىڭ ناتيجەسى. سونداي-اق 17 084,6 توننا كارتوپ، 156 390,4 توننا مال ازىقتىق داقىلدارى، 55 257,3 توننا داندىك جۇگەرى، 1 537,7 توننا كۇنباعىس، 12965,0 توننا كۇرىش، 428,7 توننا ماش، 208 411,8 توننا ماقتا، 6 301,0 توننا جەمىس-جيدەك جانە ءجۇزىم جينالعان. دەگەنمەن بۇل ناتيجەمەن توقتاپ قالماي جەردى ءتيىمدى يگەرىپ، ەگىلەتىن ءونىم تۇرلەرىن كوبەيتۋ، جانە مول ءونىم الۋ قازىر وڭتۇستىكتىك شارۋالاردىڭ باستى ماقساتى بولىپ وتىر.

Abai.kz