ورداباسى اۋدانىندا بۇگىندە 200- دەن استام ءىرى شارۋا قوجالىقتارى بولسا، ولاردىڭ ىشىندە ءبىر باعىتتا عانا جۇمىس ىستەمەي، بىرنەشە باعىتتا قاتار جۇمىس ىستەپ وتىرعان جانە بارلىعىنان مول ءونىم الىپ وتىرعان امبەباپ شارۋالار دا بار. ولار ءوڭىردىڭ ماقتانىشتارىنا دا اينالىپ وتىر.

ماسەلەن وڭتۇستىك قازاقستان وبلىسى ورداباسى اۋدانىنا قاراستى بوگەن اۋىلدىق وكرۋگىنەن نىسانبەك اعابەك ماقتامەن قاتار جۇگەرى ونىمدەرىن تەحنيكامەن باپتاۋدان ەڭبەك وزاتى اتانىپ وتىر. جالپى سوڭعى كەزدەرى وڭتۇستىكتەگى شارۋالاردىڭ بىرنەشە ءونىمدى قاتار ەگۋگە دەگەن قۇلشىنىسىن بايقاۋعا بولادى. مۇنىڭ ارتىقشىلىعى "شارۋالاردىڭ ءونىمدى جان جاقتى زەرتتەپ، قايسىسى مول ءونىم بەرسە سوعان ويىسۋىنا جولا اشادى" دەيدى وڭىردەگى اۋىلشارۋاشىلىق ماماندارى.

ورداباسى اۋدانىنىڭ ەجەلدەن ىستىققا بەيىمدى ونىمدەردى ەگۋگە قولايلىلىعىن ەسكەرسەك، ءبول ءوڭىردىڭ جەرىنىڭ كوپ نارسە ەگۋگە قولايلىلىعىن تۇسىنۋگە بولادى. جالپى ءاۋ باستا ورداباسى اۋدانى ماقتا ەگۋگە ماشىقتى بولىپ، ماقتادان مول ءونىم الىپ كەلسە سوڭعى كەزدەرى باسقا دا ءتۇرلى ەگىستىك ونىمدەرىنە كوڭىل ءبولىپ قانا قويماي، ولاردان مول ءونىم الۋعا تىرىسىپ جاتقاندارى بايقالادى. ءتىپتى كەيبىر ۇساق شارۋا قوجالىقتارى بىرىگىپ، جەردى بىرگىپ يگەرۋگە كۇش سالۋدا. اينالىپ كەلگەندە مۇنىڭ بارلىعى جەردى ءتيىمدى يگەرىپ، ەڭبەك ونىمدىلىگىن ارتتىرۋعا باعىتتالعانى اڭعارىلادى.

ايتا كەتەر جايت ورداباسىلىق شەنەۋنىكتەر شارۋالاردىڭ ەڭبەگىن ەلەپ، جىل سايىن "التىن كۇز" مەرەكەسىندە ءبارىن جاپپاي ماراپاتتاۋعا دا كوڭىل ءبولىپ كەلە جاتقانىن ايتا كەتۋ كەرەك.

Abai.kz