جالپى تۇلكىباس اۋدانى تاۋلى ايماقتا ورنالاسقان. اۋا رايى قوڭىر سالقىن، الما-باۋ جەمىس اعاشتارىن وسىرۋگە وتە قولايلى ايماق بولىپ ەسەپتەلەدى. بۇگىنگى تاڭدا اۋدانداعى بارلىق جەمىس اعاشتارىنىڭ كولەمى 3115 گەكتاردى قۇراپ وتىر.

2020 جىلعى مەرزىمدە دەيىن اۋدان كولەمىندە الما باۋ كولەمى 3600 گەكتارعا جەتكىزىپ، ونىڭ ىشىندە اۋداندا قارقىندى باۋلاردى ءوسىرۋ دامىتىلىپ، ءونىم كولەمىن ۇلعايتۋ جوسپارلانۋدا. الداعى مەرزىمدە المانى ءتىپتى تۇلكىباس اۋدانىنىڭ برەندىنە اينالدىرۋ جولىندا جۇمىستار اتقارىلاتىن بولادى. الايدا المامەن عانا توقتاپ قالماي بۇل ءوڭىردىڭ شارۋالارى باسقا دا كوكونىس جەمىس جيدەك، ءداندى داقىلداردان جاقسى ءتۇسىم الۋدا. ماسەلەن بيىل 11494 گەكتار ايماققا ماقسارى ەگىلسە، ونى 100 پايىز جيناپ الىپ، 11,1 تسەنتنەردەن ءونىم الىنعان. وسىلايشا 12752 توننا ءونىم جينالعان. 224 گەكتار جەرگە جۇگەرى ەگىلسە، ودان 47 تسەنتنەردەن ءونىم الىنىپ، 1050 توننا ءونىم جينالعان. سونداي-اق 73,6 گەكتار جەرگە تارى ەگىلىپ، ودان 43 تسەنتنەردەن ءونىم الىنىپ، 316 توننا استىق قامباعا قۇيىلعان. كۇنباعىستان الىنعان ءونىم دە اۋىز تولتىرىپ ايتارلىقتاي. بيىلعى جىلى 124,6 گەكتار جەرگە كۇنباعىس ەگىلسە، كۇزگى جيىن تەرىم كەزىندە ونى ديحاندار 100 پايىز تولعىمەن جيناپ العان. ورتاشا ەسەپپەن 18 تسەنتنەردەن ءونىم الىنىپ، 224 توننا كۇنباعىس ءونىمى جينالعان. ديحاندار الداعى ۋاقىتتا ەڭبەك ونىمدىلىگىن ءتىپتى ارتتىرۋ تۋرالى ويلاپ وتىر. سوندىقتان تۇلكىباستىق ديحانداردىڭ ەڭبەكقورلىعى مەن جەردىڭ ءتىلىن تاباتىن ديحانشىلىعىنان كۇتەر ءۇمىت مول بولىپ وتىر. 

Abai.kz