قازاقستان رەسپۋبليكاسىندا 1993 جىلى جاستاردىڭ ءبىلىمىن جەتىلدىرىپ، تاجىربيەلى مامان دايارلاۋ ماقساتىندا ەلباسىمىز ن.نازارباەۆتىڭ باستاماسىمەن قۇرىلعان «بولاشاق» حالىقارالىق ستيپەنديالىق باعدارلاماسى ەلىمىزدە ءساتتى جۇزەگە اسىپ كەلەدى.
بۇگىنگى تاڭدا وڭتۇستىك قازاقستان وبلىسىندا 12 بولاشاق تۇلەگى مەملەكەتتىك قىزمەتتە باسشىلىق لاۋازىمدا ەڭبەك ەتۋدە. سولاردىڭ بىرقاتارى شىمكەنتتەگى نازارباەۆ زياتكەرلىك مەكتەبىنىڭ وقۋشىلارىمەن كەزدەستى.
شەتەلدە ءبىلىم الىپ، بۇگىندە مەملەكەتتىك قىزمەت سالاسىندا ەڭبەك ەتىپ جۇرگەن ازاماتتار شاكىرتتەر تاراپىنان قويىلعان ءتۇرلى ساۋالدارعا جاۋاپ بەردى. «بولاشاق» باعدارلاماسىنىڭ جاي-جاپسارى، شەتەلدە وقۋدىڭ مۇمكىندىكتەرى جايلى ءسوز قوزعاپ، وقۋشىلاردى شەتەلدىك ءبىلىم جۇيەسىنىڭ قىر-سىرىمەن قانىقتىردى.

اباي-اقپارات