سوڭعى جىلدارى وڭتۇستىك قازاقستان وبلىسىنىڭ شارۋالارى اۋىل شارۋاشىلىعى سالاسىنا ءبىرجولا دەن قويا باستادى. سونىڭ ايعاعى ءتىپتى تروپيكالىق جەمىستەردى دە كۇنگەيگە جەرسىندىرە باستاعانى. بۇل تۋرالى سول كەزدەگى وبلىس اكىمى بەيبىت اتامقۇلوۆ مىرزا جىل باسىندا تاڭ قالىسىن دا جاسىرماعان ەدى. 

"وڭتۇستىكتەگى ەگiن القابى 773 مىڭ گەكتاردى قۇرايدى. ونىڭ ىشىندە سۋارمالى جەر اۋماعى 440 مىڭ گەكتارعا جەتiپ وتىر. وبلىس بويىنشا جىلىجايلاردىڭ جالپى كولەمi بۇگiندە 1025 گەكتاردى قۇرايدى. سونىڭ iشiندە بiز وتكەن جىلى 115 گەكتار اۋماقتا جىلىجايدى iسكە قوستىق. ەلىمىزدەگى جىلىجايلاردىڭ 87 پايىزى وڭتۇستىك قازاقستانعا تيەسىلى. سونىڭ 50 پايىزى سارىاعاشتا ورنالاسقان. سارىاعاشقا بارعاندا بانان ءوسىرىپ جاتقان شارۋانى كوردىم. شىنىمدى ايتىپ تاڭ قالدىم. وزدەرىنەن سۇراعاندا ەكسپريمەنت رەتىندە ءوسىرىپ جاتقاندارىن ايتتى", – دەيدى ب. اتامقۇلوۆ. راسىندا دا بانان سەكىلدى جەمىستەر ەلىمىزگە تولىقتاي شەكارا اسىپ جەتكىزىلەدى. ەلىمىزدە ءوسىرۋ تۋرالى ويلاماي دا كەلسەك، كۇنگەيدەگى ديحاندار بۇل جەمىستى دە جەرسىندىرۋ تۋرالى ويلاي باستاعانىن بايقايمىز. بۇعان دەيىن وڭتۇستىكتە ليمون دا وسىرىلە باستاعانىن ايتساق، الداعى ۋاقىتتا مۇنداي تروپيكالىق ايماقتا وسەتىن جەمىستەردى ءوز تۋعان جەرىمىزدىڭ ءونىمى رەتىندە ءدام تاتا باستاۋىمىز ابدەن مۇمكىن.

سارىاعاشتاعى شارۋا تاناباي شىنتاسوۆ جەتەكشىلىك ەتەتىن "جەر سىيى" جشس تۇقىمباعى، "ىنتىماق-بەسارىس" جشس سەكىلدى شارۋا قوجالىقتارى وسىنداي شارۋالاردىڭ قاتارىنا جاتادى. بۇل سەرىكتەستىكتەردە ءتۇرلى جەمىس جانە سۋبتروپيكالىق، دەكوراتيۆتىك كوشەتتەر وسىرىلەدى. سوندىقتان الداعى ۋاقىتتا سارىاعاشتىق ديحانداردار كۇتەر ءۇمىت مول بولىپ تۇر.

Abai.kz