ەلباسى تاپسىرماسىمەن ىسكە قوسىلعان «اشىق اكىمدىك» جوباسى وڭتۇستىك قازاقستان وبلىسىندا العاش بولىپ جۇزەگە استى. بۇل تۋرالى «rgmedia.kz» سايتى حابارلايدى.

بۇل – وڭتۇستىك ءوڭىرىنىڭ جۇمىسقا دەگەن زور قۇلشىنىسىن، وبلىس اكىمىنىڭ ىسكەرلىگىن كورسەتتى. وبلىس اكىمىنىڭ قاتاڭ تاپسىرماسىمەن بۇل جوبا اۋدانداردا، وبلىس ورتالىعىندا قارقىندى تۇردە جۇرگىزىلۋدە. «اشىق اكىمدىك» جوباسى اياسىندا بايلانىس تەلەفوندارىنا حابارلاسىپ جاتقاندار كوپ. ناتيجەلەرى جوبا اياسىندا جۇمىس ىستەپ تۇرعان Ontustik_derek ينتساگرام پاراقشاسىندا جاريالانىپ تۇرادى. 

جاقىندا «اشىق اكىمدىك» جوباسى اياسىندا ءال-فارابي اۋدانىنىڭ تۇرعىندارى تەرەشكوۆا-بىكوۆسكي كوشەسى بويىندا ورنالاسقان كوپقاباتتى تۇرعىن ۇيدە ۇزاق جىلدار بويى ليفت ىستەمەي تۇرعاندىعىن ايتىپ، وقو بايلانىس تەلەفوندارىنا حابارلاسقان ەدى. وسىعان وراي، قۇزىرلى ورىندار ىسكە كىرىستى. ناتيجەسىندە، ءبىر اي ۋاقىت ىشىندە سول كوپقاباتتى تۇرعىن ۇيلەرگە ليفت ورناتىلدى.

تۇرعىندار مۇنان بىلاي تەحنيكا كومەگىمەن جوعارى-تومەن ەش قينالماي شىعىپ-تۇسەتىندىگىن ايتىپ قۋاندى. بىلتىر شاھارداعى 18 مولتەكاۋدانىنا قاراستى ت.رىسقۇلوۆ كوشەسىندەگى «ەۆرازيا» بازارىنىڭ جانىنداعى جاياۋ جۇرگىنشىلەرگە ارنالعان جەرۇستى وتكەلى پايدالانۋعا بەرىلگەن ەدى. سول كەزدە تۇرعىندار كوپىرگە شىعىپ-ءتۇسۋدىڭ قيىندىعىن ايتىپ شاعىمدانعان.

وسىعان وراي، كوپىرگە شىعىپ-تۇسەتىن ليفت ورناتىپ، ىسكە قوسىلدى. شىمكەنت قالاسىنىڭ جولاۋشىلار كولىگى جانە اۆتوموبيل جولدارى ءبولىمىنىڭ تاپسىرىس بەرۋىمەن مەردىگەر - «ليۋكس ستروي Sity» مەكەمەسى وسى نىساندى حالىق يگىلىگىنە پايدالانۋعا بەردى. «بۇل مۇمكىندىگى شەكتەۋلى ازاماتتار مەن قاريالار ءۇشىن جاقسى جاڭالىق بولدى»،- دەيدى تۇرعىندار.

Abai.kz