بۇگىن ەل تاۋەلسىزدىگىنىڭ 25 جىلدىعى مەرەكەسى قارساڭىندا تۇلكىباس اۋدانىندا بىرقاتار الەۋمەتتىك نىساندار پايدالانۋعا بەرىلدى.

جاڭا عيماراتتاردىڭ اشىلۋ سالتاناتىنا قاتىسقان اۋدان əكىمى Əۋەلحان تۇرعىنبەكوۆ بارشا تۇرعىنداردى مەرەيلى مەرەكەمەن قۇتتىقتاپ، وبلىس باسشىسى ج.تۇيمەباەۆتىڭ ىزگى تىلەگىن جەتكىزدى. جەرگىلىكتى حالىقتىڭ قۋانىشىمەن بولىسكەن اۋدان əكىمى مۇنداي يگى شارانىڭ تاۋەلسىزدىكتىڭ ارقاسىندا مۇمكىن بولعانىن ايتىپ، وسىناۋ قاستەرلى باقتى ماڭگىگە بىرلەسە ساقتاۋعا شاقىردى.

وسى كۇنى ەڭ الدىمەن، ت.رىسقۇلوۆ اۋىلدىق وكرۋگى، ازاتتىق اۋىلىنداعى 300 ورىندىق مادەنيەت ءۇيى ەل يگىلىگىنە بەرىلدى. رەسپۋبليكالىق «جۇمىسپەن قامتۋ-2020» باعدارلاماسى بويىنشا كۇردەلى جوندەۋدەن وتكەن مادەنيەت ۇيىنە 75 ملن. تەڭگەدەن استام قارجى جۇمسالعان. قۇرىلىس جۇمىستارىن مەردىگەر مەكەمە «نۇرلىسان» جشس-ءى جۇرگىزدى. ءتورت مىڭنان استام حالقى بار اۋىلدىق وكرۋگ تۇرعىندارى نەگىزىنەن مال جانە ەگىن شارۋاشىلىعىمەن اينالىسادى. ەلدى مەكەندە الەۋمەتتىك ماسەلەلەر وڭ شەشىمىن تاپقان.

سونىمەن قاتار، اتالعان اۋىلدا كۇردەلى جوندەۋدەن وتكەن əكىمدىكتىڭ عيماراتى پايدالانۋعا بەرىلدى. ەكى قاباتتى əكىمدىك نىسانىنىڭ ءتيىستى جۇمىستارىنا جەرگىلىكتى بيۋدجەتتەن 84 ملن. تەڭگە بولىنگەن. جۇمىس جاساۋعا بارلىق جاعداي جاسالعان əكىمدىكتە 14 ازامات ەڭبەك ەتەدى.

مۇنان بولەك، تəۋەلسىزدىكتىڭ 25 جىلدىعىنا تارتۋ رەتىندە اۋداندا جاڭا مەكتەپ سالتاناتتى تۇردە اشىلدى. اۋدان ورتالىعى ت.رىسقۇلوۆ اۋىلىندا حالىق سانىنىڭ وسۋىنە وراي جاڭا مەكتەپتىڭ قاجەتتىگىنە بايلانىستى «جانكەنت» شاعىن اۋدانىنداعى 600 ورىندىق جاڭا مەكتەپتىڭ قۇرىلىسى ءبىتىپ، پايدالانۋعا بەرىلدى. 3 قاباتتى ءبىلىم وشاعىنىڭ قارجى كوزى وبلىستىق بيۋدجەتتەن. جالپى سمەتالىق قۇنى 669  ملن. 500  مىڭ تەڭگە. اۋىلدىق وكرۋگتە 4 مەكتەپ ورنالاسقان. حالىق سانى 18902 قۇرايدى.

بيىلعى جىلى اتالعان ەلدى مەكەندە 280 ورىندىق  بالاباقشا، 96 پاتەرلى 2  تۇرعىن ءۇي، 1 سپورت كەشەنىنىڭ قۇرىلىسى ءجۇرىپ، ەل يگىلىگىنە بەرىلدى.سونىمەن قاتار، وكرۋگتىڭ ورتالىق كوشەسى اباتتاندىرىلىپ، جاڭا شاعىن اۋدانعا ينفراقۇرىلىم جۇمىستارى جۇرگىزىلدى.

 جالپى، تۇلكىباس اۋدانىندا تاۋەلسىزدىكتىڭ 25 جىلدىعىنا وراي، 20 نىساننىڭ قۇرىلىسى ءجۇرىپ، جىل سوڭىنا دەيىن ەل يگىلىگىنە بەرىلمەك.

ەگەمەندىگىمىزدى العان جىلداردان بەرى تۇلكىباستا 157 نىساننىڭ  قۇرىلىس جۇمىستارى جۇرگىزىلىپ، اۋدان حالقىنىڭ سانى 26 مىڭ ادامعا ءوستى.شيرەك عاسىردا 25 مەكتەپ، 2 بالا باقشا سالىنىپ، 31 ءبىلىم بەرۋ مەكەمەلەرى كۇردەلى جوندەۋدەن ءوتتى. سونىمەن قاتار، مادەنيەت سالاسىندا 9 نىسان كۇردەلى جوندەۋدەن ءوتىپ، 2 نىسان جاڭادان سالىندى. بۇل تاۋەلسىزدىك جىلدارىنداعى اۋداننىڭ جەتكەن جەتىستىكتەرىنىڭ ءبىر پاراسى عانا.

Abai.kz