تاۋەلسىزدىك جىلدارىندا وڭتۇستىك قازاقستان وبلىسىنىڭ اۋىل شارۋاشىلىعى اۋىز تولتىرىپ ايتارلىق جەتىستىكتەرگە جەتتى. وڭىردەگى مال باسى وتكەن جيىرما بەس جىلدا ەسەلەپ كوبەيدى. ناقتى تسيفرلاردى سويلەتەيىك.

1991 جىلى وبلىستاعى ءىرى قارانىڭ سانى 464 300 باس بولسا، 2016 جىلى ول 778 400 باسقا جەتتى. اتالعان مەرزىم ىشىندە جىلقى 91 100-دەن 207 000-عا جەتتى. ال تۇيە 17 800 باستان 21 900-گە كوبەيدى.

وبلىستا ەت-ءسۇت ونىمدەرىن ءوندىرۋ كولەمى دە ارتتى. 1991 جىلى وڭىردە 107 800 توننا ەت وندىرىلسە 2016 جىلى ول 202 400 تونناعا جەتتى. ءسۇت ونىمدەرىن ءوندىرۋ كورسەتكىشى اتالعان مەرزىمدە 436 400 توننادان 710 600 تونناعا دەيىن جوعارىلادى.

بيىل وبلىستا اۋىل شارۋاشىلىعىن قولداۋعا جالپى 29 ملرد. تەڭگە باعىتتالىپ وتىر. ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ سۋعارۋادىسىن كەڭىنەن ەنگىزۋ، جىلىجاي جانە قارقىندى باۋ قۇرىلىستارى،مال باسىن اسىلداندىرۋ بويىنشا جۇمىستار جۇرگىزىلۋدە. ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123ملرد.تەڭگەنى قۇراپ، 2% ارتتى. ەگىس كولەمى 2015 جىلمەن سالىستىرعاندا 13 مىڭ گەكتارعا ارتىپ، 788 مىڭ گەكتاردى قۇرادى.

سۋارمالى 466 مىڭ گەكتار جەردىڭ 93% يگەرىلۋدە (434 مىڭ گەكتار).

اعىمداعى جىلى داندىك جۇگەرىدەن 108,4مىڭ توننا، كوكونىستەن 811مىڭ توننا، باقشادان 1 252مىڭ توننا، كارتوپتان 195مىڭ توننا، ماساقتى داقىلداردان 470 مىڭ توننا ءونىم جينالدى.

ايتا كەتەيىك، ەلباسىنىڭ «100 ناقتى قادام» ۇلت جوسپارىندا بەرىلگەن تاپسىرماعا سايكەس جۇزەگە اسىپ جاتقان «اشىق اكىمدىك» جوباسى بويىنشا جەرگىلىكتى اكىمدىكتەر وزدەرىنىڭ اتقارعان جۇمىستارىن اشىق اقپارات كوزدەرىندە جاريالاپ، كەز-كەلگەن مالىمەتتىڭ اشىقتىعىن قامتاماسىز ەتۋدە.

Abai.kz