ماقسارى وسىمدىگىنىڭ ءبىزدىڭ ەلىمىزدە ءوسىرىلىپ، ءونىم الىنا باستاعانىنا كوپ ۋاقىت بولا قويعان جوق. سوڭعى جىلدارى جەرسىندىرىلدى. ودان الىناتىن نەگىزگى ءونىم – اسقاتىق ماي. ماقسارى مايىنىڭ ساپاسى كۇنباعىس پەن ماقتا مايىنان كەم ەمەس. باعاسى دا اناۋ ايتقانداي قىمبات دەپ ايتا المايسىز. ماقتا مايىنان الدەقايدا ارزانداۋ بولىپ كەلەدى. نەگىزىنەن ماقسارى ەلىمىزدىڭ وڭتۇستىگىندە وسىرىلەدى.

ماقسارى – قالدىقسىز ءونىم سانالادى. مايى الىنعاننان كەيىن دە ۇلكەن سۇرانىسقا يە. ماسەلەن، ماقسارىنىڭ مايىنان قالعان قالدىقتان يراندا حالۋا دايىنداسا، تۇركيادا ءتۇرلى سابىندار شىعارادى. ال تاستىڭ ءوزىن كادەگە جاراتاتىن قىتايلىقتار ءتۇرلى دەرتكە شيپا بولاتىن ءدارى-دارمەكتەر وندىرۋدە. ال ءبىز قالدىقتىڭ ءوزىن كادەگە جاراتا الماۋىمىزدىڭ سالدارىنان ازىرگە مالعا ازىق ەتۋدەمىز. تابيعاتى جايلى وڭتۇستىك وبلىستار ءۇشىن ماقسارى ءوسىرۋ تاڭسىق ەمەس. ال، اۋدان اۋماعىنداعى بىرقاتار وڭىرلەردە كوپتەپ وسىرىلۋدە. ءتىپتى قۇنارسىز دەگەن جەردىڭ وزىندە دە ماقسارى ءوسىرۋ قولعا الىنۋدا. بۇل مايلى داقىلدىڭ ءتۇسىمى بيىل وتكەن جىلعىمەن سالىستىرعاندا 5,1 تسەنتنەر بولىپ، 0,2 تسەنتنەرگە ارتقان. ەڭ جوعارى ءتۇسىم گەكتارىنا 7 تسەنتنەر ەكەنىن ەسكەرسەك، بيىلعى جينالىپ جاتقان ءونىم اۋدان ءۇشىن ەڭ جوعارعى كورسەتكىش بولىپ تابىلادى

جەر - بايلىقتىڭ اناسى، ال اكەسى - ەڭبەك بولسا كەرەك. وڭتۇستىك قازاقستان وبلىسى بايدىبەك اۋدانىندا جەكە كاسىپكەر جالعاس ءبىلالوۆ شايان اۋىلىندا وسى ءونىمدى وڭدەيتىن، ماي شىعاراتىن شاعىن كاسىپورىن اشقان. بۇل تسەح اۋدانداعى قالدىقسىز تەحنولوگيامەن جۇمىس ىستەيتىن بىردەن-ءبىر ءوندىرىس ورنى. ماسەلەن، بۇل كاسىپورىن ءبىر تاۋلىگىنە شامامەن 8-10 تونناعا دەيىن شيكىزات وڭدەي الادى. وندا ماقسارى تازالانىپ، ونىڭ ءدانى سىعۋعا جىبەرىلىپ، ماي الىنسا، ونان قالعانى مال ازىعىنا پايدالانىلادى. كىشىگىرىم زاۋىتتىڭ وندىرىستىك قۋاتى قوسىلعان كەزدە مۇندا 10-نان استام جۇمىسشى ەڭبەك ەتەدى. قويماسىنىڭ سيىمدىلىعى ۇلكەن، ياعني 2-2,5 مىڭ تونناعا دەيىن ماقسارى شيكىزاتىن ءبىر مەزەتتە ساقتاۋعا مۇمكىندىگى جەتەدى. سونداي-اق شارۋالاردان مايلى داقىلداردى قابىلداپ نەمەسە ماقسارىسىن سىعىپ، مايعا اينالدىرىپ بەرىپ حالىققا قىزمەت كورسەتەتىنى تاعى بار. الايدا بۇل كاسىپكەر جىگىت جىل بويىنا ماي وندىرۋمەن شەكتەلمەي، الداعى ۋاقىتتا ەگىستىك القاپتارىنا ماقسارى ەگىپ، ونى كوبەيتۋدى كوزدەپ وتىر. بۇل زاۋىت جىلىنا 1-1,5 مىڭ تونناعا دەيىن ءونىم وڭدەۋگە قابىلەتتى. دەگەنمەن ماقسارى مايىن سىعاتىن اپپاراتتار دا ارزان تۇرمايدى. ولاردىڭ ارىسى ەۋروپا، بەرىسى رەسەيدەن ساتىپ الۋعا تۋرا كەلەدى. ەندىگى جەردە بۇل كاسىپكەر نارىقتىق ەكونوميكاعا بايلانىستى مايدى مەملەكەتتىك ستاندارتقا سايكەس كەلەتىندەي قۇتىعا قۇيىپ شىعارۋعا تالاپتانۋدا.

Abai.kz