وڭتۇستىك قازاقستان وبلىسى تۇلكىباس اۋدانى 100 مىڭنان استام حالقى بار اۋدان. تاۋلى وڭىردە ورنالاسقان. تابيعاتى جاڭبىرلى. سوندىقتان جىل سايىن بۇل ءوڭىر كۇزدىڭ كۇنى ءونىمدى دە مول بەرەدى.

مۇندا اسىرەسە باۋ-باقشا ونىمدەرى كوپ وندىرىلەدى. ءوڭىر ەجەلدەن الماسىمەن تانىمال. مۇندا وسىرىلگەن المانىڭ ءدامى ءتىل ۇيىرەدى. دەگەنمەن، مۇنداي قۇنارلى وڭىرگە تەك قانا الما ءوندىرىپ قانا قويۋ از. سوندىقتان سوڭعى جىلدارى اۋداندا ءتۇرلى باۋ-باقشا داقىلدارىمەن قاتار، ارپا-بيدايدى دا وسىرۋگە كوڭىل بولە باستادى. وسى ولقىلىقتى جوندەۋ ءۇشىن تۇلكىباس اۋدانىنداعى شارۋا قوجالىقتارى مەن سەرىكتەستىكتەرگە «اگروبيزنەس-2020» باعدارلاماسى اياسىندا مول قاراجات تا ءبولىندى. وسى قاراجاتتان اۋدانداعى تۇلكىباس پوسەلكەلىك وكرۋگىندە «التىن ءدان» جشس ءوز ۇلەسىن الىپ، جۇمىسىن قارقىندى تۇردە دامىتىپ كەلەدى. 

ايتا كەتەر جايت «التىن ءدان» جشس ءوز جەرىنەن جانە وزگە دە شارۋا قوجالىقتارى وسىرگەن ارپا-بيدايدان ءتۇرلى سورتتاعى ۇندار مەن كەبەك شىعارۋ ءىسىن قولعا الا باستادى. بۇل وڭىردەگى جۇمىسسىزدىق ماسەلەسىنىڭ دە شەشىلۋىنە مۇرىندىق بولىپ وتىر. تۇلكىباس پوسەلكەلىك وكرۋگىندەگى 11 743 ادامدى جەرگىلىكتى جەردەن جۇمىسپەن تولىقتاي قامتۋ مۇمكىن ەمەس. قازىرگى تاڭدا «التىن ءدان» سەرىكتەستىگى قارقىندى تۇردە وندىرگەن ۇن مەن كەبەككە تاپسىرىس ءجيى تۇسەدى. كوپتەگەن شارۋا قوجالىقتارى اتالعان سەرىكتەستىكتەن ۇزدىكسىز كەبەك الدىرتىپ تۇرادى. ولار شارۋالارعا كەبەكتى جەڭىلدەتىلگەن باعامەن بوساتىپ، شارۋالارعا بيزنەسىن وركەندەتۋگە ءوز سەپتىكتەرىن تيگىزىپ جاتىر. ال، ۇندى اۋدان عانا پايدالانىپ قويماي، شىمكەنت، تاراز قالالارى دا ارنايى الدىرتىپ تۇرادى. قۇنارلى ءوڭىردىڭ يگلىگىن وسىلايشا كورشى وبلىستار دا كورىپ وتىر.

Abai.kz