شتاتتىڭ سايلاۋ كوميسسياسى 25 قاراشادا جاسىلدار پارتياسىنىڭ ۇمىتكەرى دجيل شتايننىڭ داۋىستاردى قايتا ساناۋ تۋرالى ءوتىنىشىن ماقۇلدادى. ول سونداي-اق ميچيگان مەن پەنسيلۆانياداعى داۋىستاردىڭ قايتا سانالعانىن قالاپ وتىر. بۇعان دەيىن ترامپ ونىڭ بۇل ارەكەتىن "الاياقتىق" دەپ اتاعان ەدى.

كلينتون ترامپتان ەكى ميلليون داۋىس كوپ جيناعان. دەي تۇرعانمەن، پرەزيدەنتتىڭ كىم بولاتىنىن شەشەتىن ورگان - سايلاۋشىلار القاسىنىڭ 290 داۋىسى ترامپقا بەرىلدى. ميچيگاندى قوسپاعاندا، كلينتون 232 داۋىسقا يە. 27 قاراشاداعى مالىمەت بويىنشا، بۇل شتاتتا ترامپ كلينتوننان 11 مىڭ داۋىس ارتىق جيناعان. ەگەر داۋىستاردى قايتا ساناۋ كەزىندە كلينتوننىڭ ميچيگان، ۆيسكونسين جانە پەنسيلۆانيادا جەڭىسكە جەتكەنى انىقتالسا، وندا ول سايلاۋشىلار القاسىنىڭ كوپ داۋىسىنا يە بولادى.

Abai.kz