اللا ادامدى توپىراقتان جاراتىپ، دەمىمەن جان بەردى. رۋح.

ءتان – جەرگە، جان – جاراتقاننىڭ وزىنە تيەسەلى.

دەمەك، ادام جانى – ءتاڭىر تەكتى. ول – مىنا 18 مىڭ عالامنىڭ ەگەسى.

ال ءسىز وعان ايتسا كونىپ، ايداسا ءجۇر... پاتشا – اللانىڭ كولەڭكەسى، جات دەسە – جات، تۇر دەسە – تۇر; وسى تىرشىلىگىڭە تاۋبە قىل دەيسىز.

بالشىق ادام – بارىنە بەيىل. يلەۋگە دە، جۇندەۋگە دە كونەدى. ال رۋح – باسقا اڭگىمە!..

سوندىقتان، سەنىڭ ونداي شۇكىرىڭە تۇكىرگەنىم بار!.. رەنجىمە.

جوعارىدا ايتتىق – ءتان جەرگە، جان جاراتقاننىڭ وزىنە قايتادى. قالاي؟ قايتىپ؟..

ەندەشە، تىڭداڭىز!..

توپىراقتان جارالعان ءتان توپىراققا اينالادى، ونى ءوزىڭىز دە جاقسى بىلەسىز. ال جانىڭىز، ياعني، رۋحىڭىز ءوز سيپاتىنا ساي سىناقتاردان ءوتىپ، تازارعان سوڭ، ماڭگىلىك مەكەنىنە بارادى. جۇماققا.

جۇماق – ماڭگىلىك ەنەرگيا مەكەنى. ءومىر ەنەرگياسىنىڭ...

ال توزاق – سىناق الاڭى. باسقاسى دا!..

الگىندە توقتالدىق، تاعى قايتالايىق: ادام رۋحى – ءتاڭىر تەكتى. اسقاق، تازا، قۋاتتى. جاقسىلىققا جاقىن، ادىلدىككە ىنتىق، ىزگىلىككە قۇمار. ونىڭ مىندەتى – قۇل بولۋ ەمەس، كۇن بولۋ. پارىزى – وزىنە جەتۋ.

تۇرماعانبەت كەنجەباەۆ، اقىن، قازاقستان جازۋشىلار جانە جۋرناليستەر وداعىنىڭ مۇشەسى  

Abai.kz