...باعدارشام جاسىل جانباي تۇرىپ ءبىر اسىعىس ادام جولدىڭ ارعى بەتىنە وتۋگە ۇمتىلادى. جانىندا تاعى ءبىر ادام. ول دا اسىعىس. انا وڭباعاننىڭ ارتىنان بۇل دا ەرە جونەلەدى. ءسويتىپ نە كەرەك ءۇشىنشىسى قوسىلادى. ءبىر ۋاقىتتا باعدارشام قىزىلدى كورسەتىپ تۇرسا دا سەن قالاي العا قادام باسقانىڭدى اڭعارماي دا قالاسىڭ. تەجەگىشىڭدى باساسىڭ. سونداعى 10 سەكۋندقا شىداماعان ءبىر توپ ەرەجەنى بۇزىپ ءوتىپ كەتتى. "وسى ادامدار نەگە بۇلاي جاسايدى، بار-جوعى 10-15 سەكۋندقا بولا؟"- دەپ، مەن ءجۇرىپ كەلەمىن. 

الەۋمەتتىك جەلىدە دە سونداي. ءبىر وقيعا بولا قالسا وزىندىك دارا پىكىرىن، كوزقاراسىن ءولتىرىپ العان، توپتىڭ ىقپالىمەن، توپتىڭ ينەرتسياسىمەن كەلەدى. دارالىق جوق. بارلىعى ەمەس ارينە 9/10 سونداي. بۇل ابستراكت ەمەس.

جەكە مىقتى ادامنان قاراعاندا "توپ" قاۋىپتىرەك بولىپ كەلەدى. ءسىزدىڭ يممۋنيتەتىڭىز تومەن بولسا، ءسىزدى توپ، توبىر پسيحولوگياسىنىڭ قارماعىنا ءىلىندىم دەپ ويلاي بەرىڭىز. ادام توپقا تۇسسە جەكە ينديۆيدۋالدىق فۋنكتسياسى تومەندەپ، دارالىق جوعالادى. اينالىپ كەلگەندە "مەن" دەگەن ادام توپتا ء"بىز" دەپ ارەكەت جاسايدى. جاۋاپكەرشىلىك ەشقاشان دەلەگيرلەنبەيدى.توپتا اباي بولىڭىز...

دەربەس شەشىم قابىلداي ءبىلىڭىز. ينديۆيدتتىك كوزقاراس تانىتا ءبىلىڭىز. اينالىپ كەلگەندە ءوزىڭىزدى سىيلاي، پايمىڭىزدى قۇرمەتتەي ءبىلىڭىز. مەيلى كوبىسى "اباي جولىن" وقىماسا دا، تىلگە وتە اۋىر دەيدى. ال ءسىز ەلەمەڭىز، ءوزىڭىز تەكسەرىپ كورىڭىز. مەيلى 99 ادام اق زاتتى "كوك" دەسە دە، ءسىزدىڭ ەسىڭىز دۇرىس بولسا "اق" دەڭىز. سەبەبى ول شىنىمەن اق. تاياقتىڭ ەكى ۇشى بار. تىگىنەن قاراساڭ ءبىر-اق ۇشى كورىنەدى. ال ءسىز ەكىنشى ۇشىن كورىڭىز...

نۇرسۇلتان قاسەكە  

Abai.kz