تۇرعىندارعا ساپالى قىزمەت كورسەتۋگە سەپتىگىن تيگىزىپ وتىرعان جوبالاردىڭ ءبىرى  - "اشىق اكىمدىك" قىزمەتىن شالعايداعى اۋىل تۇرعىندارى دا پايلاناۋدا. تۇركىستان ماڭايىنداعى اۋىل-ايماقتاردىڭ تۇرعىندارى بۇعان دەيىن باسشىلارعا جوبا شەڭبەرىندە جارىق باعانالارىن ورناتىپ، كوشەلەردى اسفالتتاۋدى سۇرانعان بولاتىن.  

كوپتەن بەرى شەشىلمەي كەلە جاتقان ماسەلەنى ەندى ازاماتتار جوبا اياسىندا جەتكىزۋدى ۇيعارعان. كوپ تىلەۋ قابىل بولىپ، تۇرعىنداردىڭ ءوتىنىشى بويىنشا ماماندار  ناقتى ىستەردى اتقاردى. اتاپ ايتقاندا رۋحاني استانا ماڭىنداعى  ەلدىمەكەندەردىڭ كوشەلەرى اسفالتتالىپ، جارىق باعانالارى ورناتىلدى. اۋلالاردى كوگالداندىرۋ، اباتتاندىرۋ جۇمىستارى دا قارقىندى.

ماسەلەن وراڭعايدا ورتالىق ءتورت كوشەنىڭ  بيىل  ۇشەۋى اسفالتتالىپتى جانە دە تروتۋار دا سالىنعان. سونداي-اق حالىقتىڭ قالاۋى بويىنشا كوشەلەرى جارىقتاندىرىلعان جانە اۋماقتار كوگالداندىرىلىپ، اۋىلدىڭ اجارى كىرگەن.  اباي كوشەسىنىڭ ۇزىندىعى - 995 مەتر. 27 جەرگە جارىق باعاناسى ورناتىلدى. ول ءۇشىن جەرگىلىكتى بيۋدجەتتەن 2,5 ميلليون تەڭگە قارجى قارالعان.تۇرعىندار بۇل يگى ىسكە اسىرەسە بالالارى ءۇشىن قۋانۋدا.

سەبەبى جاۋىن-شاشىندى كۇندەرى بالالار ەندى لاي-باتپاقتى كەشتەي، تازا جولدارمەن مەكتەپكە قاتىنايتىن بولادى.

ايتا كەتەيىك، ەلباسى نۇرسۇلتان نازارباەۆ الەمنىڭ  دامىعان 30 ەلدەردىڭ قاتارىنا كىرۋ ماقساتىندا بەس ينستيتۋتسيونالدىق رەفورمالاردى جۇزەگە اسىرۋ ءۇشىن 100 ناقتى قادامداردى بەلگىلەگەن بولاتىن. سولاردىڭ ىشىندەگى سوڭعى 10 قادام «ەسەپ بەرۋگە مىندەتتى ۇكىمەتتى قالىپتاستىرۋ» رەفورماسىن ىسكە اسىرۋعا باعىتتالعان.

اتاپ ايتقاندا، 94-ءشى قادامدا «اشىق ۇكىمەتتى» جۇزەگە اسىرۋ مىندەتتەرى بەلگىلەنگەن. «اشىق ۇكىمەتتىڭ» ماقساتى — اشىق جانە حالىق الدىندا ەسەپ بەرۋگە مىندەتتى  مەملەكەتتى قۇرۋ، ازاماتتاردىڭ مەملەكەتتىك باسقارۋ سالاسىنداعى قۇقىقتارى مەن مۇمكىندىكتەرىن كەڭەيتۋ، جەمقورلىققا قارسى كۇرەستى كۇشەيتۋ مەن جاڭا تەحنولوگيالاردى مەملەكەتتىك باسقارۋ تيىمدىلىگىن ارتتىرۋ ءۇشىن قولدانۋ بولىپ تابىلادى. 

Abai.kz