سايرام اۋدانىنىڭ اكىمى سامات ساپارباەۆ حالىقتىڭ تىنىس-تىرشىلىگىمەن، ەلدى مەكەندەردەگى پروبلەمالارمەن تانىسۋ ماقساتىندا بۇعان دەيىن اۋدانداعى وكرۋگتەردى ارالاپ، كەزدەسۋ جيىندارىن وتكىزگەن بولاتىن. وسى كەزدەسۋلەردىڭ كەستەسىنە سايكەس سامات ايدارحانۇلى كەزەكتى جيىندى اۋدان ورتالىعى اقسۋكەنتتە وتكىزىپ، حالىق جاعدايىمەن تانىسىپ، پىكىرلەستى.

ول جەردە الەۋمەتتىك ماسەلەلەر تالقىلانا كەلە، باستى نازارعا اۋىلدىڭ سانيتارلىق تازالىعى قويىلدى. تۇرعىندار تاراپى وزدەرىنىڭ ۇسىنىستارىن بىلدىرسە، اۋدان اكىمى كوشە كوميتەتتەرىنىڭ جانە قوعامدىق ۇيىمداردىڭ جۇمىسىن جانداندىرۋ كەرەكتىگىن مالىمدەدى.

سونداي-اق، الداعى كەلە جاتقان 2017 جىلى ۇلگىلى اۋلا، ۇلگىلى كوشە، ۇلگىلى مەكەمە دەگەن ارنايى كونكۋرس جاريالاناتىنىن حابارلادى. ال، اۋىل ازاماتتارى اتقارىلعان جۇمىستارعا العىستارىن ايتىپ، الداعى ورىندالۋعا ءتيىستى جۇمىستارعا قولداۋ كورسەتەتىندەرىن جەتكىزىپ، باتاسىن بەردى.

جالپى، ەلباسىنىڭ «100 ناقتى قادام» ۇلت جوسپارىنىڭ 94-بابىن، ياعني ەلگە ەسەپ بەرىپ وتىراتىن «اشىق ۇكىمەت» قۇرۋ تاپسىرماسىن جۇزەگە اسىرۋ ءۇشىن بىلتىر قابىلدانعان «اقپاراتقا قول جەتكىزۋ تۋرالى» تۋرالى زاڭعا سايكەس مەملەكەتتىك ورگانداردىڭ باسشىلارى، بارلىق دەڭگەيدەگى اكىمدەر، ۋنيۆەرسيتەت رەكتورلارى جىلىنا كەم دەگەن ءبىر رەت حالىقتىڭ الدىنا شىعىپ، ءوزىنىڭ اتقارعان جۇمىستارى تۋرالى ەسەپ بەرىپ وتىرۋى ءتيىس.

حالىقتىڭ تالاپ-تىلەگىنە دەر كەزىندە قۇلاق اسىپ، ماسەلەلەرىن شەشۋ ءۇشىن جەرگىلىكتى اكىمدەر قازىرگى ۋاقىتتا كەزدەسۋلەر، قابىلداۋلار وتكىزىپ، كەز-كەلگەن اقپاراتتاردىڭ قولجەتىمدىلىگىن قامتاماسىز ەتۋدە.

Abai.kz