ەسەپ بەرۋگە مىندەتتى ۇكىمەتتى قالىپتاستىرۋ ەلباسىنىڭ «100 ناقتى قادام» ۇلت جوسپارىندا ايتىلعان باستى قاعيدالاردىڭ ءبىرى. مەملەكەتتىك قىزمەت، اتقارىلعان ىستەر جايلى مالىمەتتەردى وقو اكىمدىگىنىڭ رەسمي سايتى «اشىق اكىمدىك» جوباسى اياسىندا ۇدايى جاريالاپ وتىرۋدا.  

شاردارا اۋدانى اكىمىنىڭ ەسەبى بويىنشا اعىمداعى جىلدىڭ جارتى جىلدىعىندا ءوندىرىس كاسىپورىندارىندا 2016 جىلدىڭ 6 ايىندا 3466,14 ملن. تەڭگەنىڭ ونەركاسىپ ءونىمى ءوندىرىلىپ، وتكەن جىلمەن سالىستىرعاندا ناقتى كولەم يندەكسى 84,6 پايىزدى قۇرادى.

ناقتى كولەم يندەكسى  ءىرى ەلەكتر قۋاتىن ءوندىرۋشى كاسىپورىن «شاردارا سۋ ەلەكتر ستانساسى» اق-دا قايتا جاڭعىرتۋ جۇمىستارى جۇرگىزىلۋى ەسەبىنەن تومەندەپ وتىر. ونەركاسىپ سالاسىندا ستاتيستيكالىق كورسەتكىشتەرگە سايكەس 2  ىرى (توقىما-تىگىن سالاسىندا «ايگ كازاقستان»، «ۇزىن اتا ماقتا» جشس), 3 ورتا («شاردارا ماقتا» جشس،  تاماق ونەركاسىبى سالاسىندا «حاميت» ستك، ەلەكتر ەنەرگياسىن ءوندىرۋ سالاسىندا «شاردارا سەس» اق), 9 شاعىن (تاماق ونەركاسىبى سالاسىندا  «شاردارا بالىق-1» جشس،  جك «جۇماباەۆ»،  جك «ماليكوۆ م»، «بەكتاسوۆ گ»، «اۋەزوۆ م» وزگە دە سالالار بويىنشا  «Seikhun» جشس،  «وڭتۇستىك كيىز» جشس، «اقجول 2008 لتد» جشس، جك «تەميروۆا»، «زەينەحانوۆ»), 2 قوسالقى كاسىپورىندار جۇمىس جاساۋدا(ەلەكتر قۋاتىن جەتكىزۋ سالاسىندا «وڭتۇستىك جارىق» شاردارا فيليالى جانە اۋىزسۋدى جەتكىزۋ باعىتىندا «شارداراكوممۋنالسەرۆيس» مكك).

كاسىپكەرلىك سالاسى بويىنشا 2016 جىلدىڭ 6 ايىندا  اۋداندا 7775 شاعىن كاسىپكەرلىك تۇلعالار تىركەلگەن، ونىڭ 338 زاڭدى، 1902 دارا كاسىپكەرلىك  جانە 5535 شارۋا قوجالىقتار.  جۇمىس ىستەپ تۇرعان كاسىپكەرلىك تۇلعالار سانى 7347. وتكەن 2016 جىلدىڭ 6 ايىندا  وسى سالادا 19395 ادام جۇمىس ىستەپ، 5,7 ملرد. تەڭگەنىڭ ءونىمى  ءوندىرىلىپ، قىزمەتى كورسەتىلدى.

2016 جىلعا «بيزنەستىڭ جول كارتاسى-2020» باعدارلاماسى بويىنشا  وبلىس اكىمدىگىمەن جاسالىنعان ۇشجاقتى كەلىسىمگە سايكەس، 14 جوباعا قولداۋ كورسەتىپ ىسكە اسىرۋ مەجەلەنگەن، بۇل مەجەنى ورىنداۋ  باعىتىندا  جىل اياعىنا دەيىن  ءتيىستى جۇمىستار اتقارىلۋدا. 

اتاپ ايتقاندا :  باعدارلاما  شەڭبەرىندە جك ە.ۋتەسينوۆ اۋىلشارۋاشىلىق تەحنيكالارىن مودەرنيزاتسيالاۋ جوباسى بويىنشا وبلىستا وتكىزىلەتىن كونكۋرستىق گرانتتى جەڭىپ الدى.

سونىمەن قاتار، 6 جەكە كاسىپكەردىڭ قۇجاتتارى ەكىنشى دەڭگەيلى بانكتەرگە جيناقتالۋدا جانە 1 كاسىپكەردىڭ ينفراقۇرىلىمدى جۇرگىزۋ بويىنشا قۇجاتتارى ساراپتامادان وتكىزىلىپ، وڭىرلىك ۇيلەستىرۋ كەڭەسىنىڭ قاراۋىنا سالالىق، ەكونوميكالىق قورىتىندىلار الىنعان.

Abai.kz