ءبىر عانا ماقتارال اۋدانىندا 200-دەن استام ءىرى شارۋا قوجالىقتارى بولسا، ولاردىڭ ىشىندە ءبىر باعىتتا عانا جۇمىس ىستەمەي، ماقتامەن قوسا باقشا ونىمدەرىن ەگىپ، جەمىس-جيدەكتەن دە مول ءونىم الىپ وتىرعان امبەباپ شارۋالار بار.

ماسەلەن "ەسكەندىر" وندىرىستىك كووپەراتيۆىنىڭ باسشىسى اليمحانوۆ ەرعالي جالپى 322 گا ەگىستىك جەرىنىڭ، 60گا ماقتا، 180 تن. 71گا جەمىس-جيدەك جانە ءجۇزىم داقىلدارىنان 1136 تن، 30 گا داندىك جۇگەرى داقىلىنان 144 تن، 55 گا كۇرىش داقىلىنان، 302,5 تن، 26 گا جوڭىشقا داقىلىنان 312 تن، 80 گا باقشا داقىلدارىن ەگىپ، 360تن ءونىم جيناپ وتىر. مۇنىڭ ارتىقشىلىعى "شارۋالاردىڭ ءونىمدى جان جاقتى زەرتتەپ، قايسىسى مول ءونىم بەرسە سوعان ويىسۋىنا جولا اشادى" دەيدى وڭىردەگى اۋىلشارۋاشىلىق ماماندارى.

جالپى ءاۋ باستا ماقتارال اۋدانى ماقتا ەگۋگە ماشىقتى بولىپ، ماقتادان مول ءونىم الىپ كەلسە سوڭعى كەزدەرى باسقا دا ءتۇرلى ەگىستىك ونىمدەرىنە كوڭىل ءبولىپ قانا قويماي، ولاردان مول ءونىم الۋعا تىرىسىپ جاتقاندارى بايقالادى. ءتىپتى كەيبىر ۇساق شارۋا قوجالىقتارى بىرىگىپ، جەردى بىرگىپ يگەرۋگە كۇش سالۋدا.

Oسى ورايدا "ينتەر" اشوك توراعاسى بەرداليە تۋرسىنباي مۋحتاروۆيچ 4320 گەكتار جەرى بار 418 شارۋا قوجالىقتاردى بىرىكتىرىپ كووپەراتيۆ قۇرىپ وتىرعانىن مىسالعا كەلتىرۋگە بولادى. ماقتارال اۋدانى بويىنشا جالپى 45 دانا اۋىل شارۋاشىلىعى كوپەراتيۆتەرى قۇرىلسا، ونىڭ ىشىندە 41 داناسى جاڭادان قۇرىلىپ، 4 داناسى قايتا تىركەۋدەن وتكىزىلگەن. اي نالىپ كەلگەندە مۇنىڭ بارلىعى جەردى ءتيىمدى يگەرىپ، ەڭبەك ونىمدىلىگىن ارتتىرۋعا باعىتتالعانى اڭعارىلادى. 

Abai.kz