الماتىدا ۇنەمدەلگەن جەرگىلىكتى بيۋدجەت ەسەبىنەن الەۋمەتتىك جاعدايى تومەن حالىق توبىنا قارجىلىق كومەك كورسەتىلەدى. بۇل تۋرالى بۇگىن «نۇر وتان» پارتياسى الماتى قالالىق فيليالىنىڭ ەسەپ بەرۋ-سايلاۋ كونفەرەنتسياسىندا پارتيا ساياسي كەڭەسىنىڭ بيۋرو مۇشەسى، پارتيانىڭ قالالىق فيليالىنىڭ توراعاسى الماتى اكىمى باۋىرجان بايبەك حابارلادى.

ونىڭ ايتۋىنشا، قالا بيۋدجەتىن ۇنەمدەپ جۇمساۋ ارقىلى دارىگەرلەر، مۇعالىمدەر، تاربيەشىلەر، الەۋمەتتىك جۇمىسشىلار مەن جاعدايى تومەن جانداردى قولداۋعا قارجى ءبولۋ مۇمكىندىگى پايدا بولدى. 2016 جىلى الماتىدا جەرگىلىكتى بيۋدجەتتەن 123 ميلليارد تەڭگە: جول ايرىقتارىن وڭتايلاندىرۋ مەن ۋنيۆەرسيادا مەن قۇرىلىس نىساندارىنان — 60 ميلليارد تەڭگە، مەملەكەتتىك-جەكە سەرىكتەستىك اياسىندا الەۋمەتتىك نىساندار تۇرعىزۋ مەن بيزنەستىڭ الەۋمەتتىك جاۋاپكەرشىلىگى — 56,5 ميلليارد تەڭگە، مەملەكەتتىك ساتىپ الۋلار بويىنشا — 6,5 ميلليارد تەڭگە ۇنەمدەلدى.

اكىمدىكتىڭ ءباسپاسوز قىزمەتىنەن حابارلاعانداي، مەملەكەت باسشىسىنىڭ تىكەلەي تاپسىرماسىمەن قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، جەرگىلىكتى بيۋدجەت ەسەبىنەن الماتىنىڭ الەۋمەتتىك جانە بيۋدجەتتىك سالا قىزمەتكەرلەرى ءبىر ايلىق ەڭبەكاقى كولەمىندە سىياقى الادى، ال جاعدايى تومەن حالىق توبىنىڭ ارقايسىسىنا 50 مىڭ تەڭگەدەن بەرىلەدى. سومانىڭ جالپى قۇنى 6,2 ميلليارد تەڭگەنى قۇرادى، وعان 114,3 مىڭ ادام سىياقى الادى.

سونىمەن بىرگە، جانۇيانىڭ وزگە دە مۇشەلەرى ەسكەرىلگەندە، 340 مىڭ الماتىلىق قامتىلادى. — 23,4 مىڭ 1, 2 توپ مۇگەدەكتەرىنە — 1,2 ملرد تەڭگە; — 4 مىڭ كوپبالالى اناعا — 199,3 ملن تەڭگە; — 4,9 مىڭ مۇگەدەك بالا تاربيەلەپ وتىرعان جانۇياعا — 243,7 ملن تەڭگە; — 19,2 مىڭ ۇوس ارداگەرلەرى مەن تىل ەڭبەككەرلەرىنە — 957,6 ملن تەڭگە.