وڭتۇستىكتە سوڭعى جىلدارى شارۋا قوجالىقتارىنىڭ سانى ايتارلىقتاي كوبەيۋدە. بۇل وڭىردەگى اۋىلشارۋاشىلىعى سالاسىنىڭ دامىپ جاتقانىن، شارۋالاردىڭ جەرمەن جۇمىس ىستەۋدى كۇشەيتە تۇسكەنىن، ەندىگى جەردە ەلىمىزدە تابيعي، ساپاسى سەنىمدى اۋىل شارۋاشىلىعى ونىمدەرىنىڭ كوبەيە تۇسەتىنىن اڭعارتادى.

ايتا كەتەر جايت، شارۋالاردىڭ سانىنىڭ وسە تۇسۋىمەن قاتار ولاردىڭ جاڭا تەحنولوگيالارعا بەيىمدەلۋى، اۋىلشارۋاشىلىعى سالاسىنداعى مەملەكەتتىك باعدارلامالارعا بەلسەندى اتسالىسۋى دا قارقىندى جۇرۋدە. وسىنىڭ ارقاسىندا وڭتۇستىك قازاقستان وبلىسى اۋىل شارۋشىلىعى باعىتىندا جۇيەلى جۇمىستار اتقارىپ، تولاعاي تابىستارعا جەتىپ وتىر. اتاپ ايتقاندا بيىل قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن جۇزەگە اسىرۋشى "اگروبيزنەس - 2020" باعدارلاماسى شەڭبەرىندە وبلىس شارۋالارىمەن 470 مىڭ توننا استىق جينالىپ، تۇسىمدىلىگى ورتاشا ەسەپپەن 22 تس/گا. قۇراعان. وتكەن 2015 جىلى بۇل كورسەتكىش 246 مىڭ توننا قۇراعانىن ەسكەرسەك كۇنگەيدەگى شارۋالاردىڭ بيىل ەڭبەگىنىڭ جانعانىن بايقايمىز. قازىرگى تاڭدا ماماندار وڭتۇستىك قازاقستان وبلىسىنىڭ بۇل جەتىستىگىن ەلىمىزدىڭ تاۋەلسىزدىك كەزەڭىندەگى ەڭ ۇلكەن رەكوردتىق كورسەتكىش بولعانىن اتاپ ايتىپ وتىر.

وسى ورايدا اتاپ ايتا كەتەرلىك جايت جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ كولەمى اتالمىش وڭىردە جىلدان - جىلعا ۇلعايۋ ۇستىندە. ناقتىراق ايتساق، 2008-2016 جىلدار ارالىعىندا جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ ەگىس كولەمى 17,7 مىڭ گا. بولسا، بيىل بۇل 30 مىڭ گا جەتكىزىلگەن. وڭتۇستىك بۇل كورسەتكىشكە وڭاي جەتىپ وتىرعان جوق، جاڭا تەحنولوگيالارعا تەز بەيىمدەلىپ، شارۋالار سانىنىڭ ارتۋى جانە سۋبسيديالاردى ءتيىمدى يگەرۋ باعىتىنداعى كەشەندى تۇردە ۇيىمداستىرىلعان جۇمىستاردىڭ ارقاسى دەۋگە بولادى. 

Abai.kz