قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي كەنتاۋ قالاسىنا قاراستى حانتاعى ەلدىمەكەنىندەگى اباي اتىنداعى №5 جالپى ورتا مەكتەبىندە "25 جىل - ءبىلىم سالاسىنداعى 25 جەتىستىك" اتتى وبلىستىق سەمينار بولىپ ءوتتى. وعان قالا كولەمىندەگى بارلىق مەكتەپ مۇعالىمدەرى قاتىستى.

سەميناردىڭ ماقساتى مەن مىندەتىن كەڭ كولەمدە تۇسىندىرگەن مەكتەپ ديرەكتورىنىڭ مىندەتىن اتقارۋشى ن.شايموۆ وقۋشىلاردى ۇبت-عا دايىنداۋداعى ءادىس-تاسىلدەر جونىندە ايتىپ ءوتتى. ءبىلىم مەن بىلىكتىلىكتى دامىتۋ، اقپارات الماسۋ، مۇعالىمدەردىڭ كاسىبي بىلىكتىلىگىن جانە شىعارماشىلىعىن ارتتىرۋعا ىقپال ەتۋ جايىن ءسوز ەتتى.

سونداي-اق، زاماناۋي اقپاراتتىق تەحنولوگيالاردى قولدانۋ ارقىلى ءبىلىم بەرۋگە، جاڭا تالاپتاردى جۇزەگە اسىرۋعا قامتاماسىز ەتۋ، وقۋشىلاردىڭ فۋنكتسيونالدىق ساۋاتتىلىقتارىن دامىتۋعا باعىتتىلعان تەست تاپسىرمالارىن قولدانۋ، ءىس-تاجىربيەمەن الماسۋ كەرەك ەكەندىگىن جەتكىزدى.

ال، قالالىق ءبىلىم بەرۋ ءبولىمىنىڭ باس مامانى ت.اسانوۆ اتقارىلىپ جاتقان جۇمىستارعا توقتالىپ ءوتتى. مەكتەپ ديرەكتورىنىڭ بەيىندىك وقىتۋ ءىسى جونىندەگى ورىنباسارى ماقپال نۋرمۋحامەتوۆا مەكتەپ ۇجىمى مەن وقۋشىلاردىڭ جەتىستىكتەرىن سلايد شوۋ ارقىلى كورسەتىپ ءوتىپ، بايانداما جاسادى.

سەمينار بارىسىندا ءار ءپاننىڭ مۇعالىمدەرى وزىندىك جاساعان جۇمىستارىن قورعاپ وقۋشىلارمەن جۇمىس جاسادى. پەداگوگ-پسيحولوگ م.مامينوۆا "ۇبت - اتا-انا كوزىمەن" پسيحولوگيالىق ترەنينگ، ال قازاق ءتىلى جانە ادەبيەتى ءپانىنىڭ مۇعالىمى ج.جارمۇحانبەتوۆا مەن باستاۋىش سىنىپ مۇعالىمى ر.دولدانوۆا "كرەاتيۆتى ويلاۋ-تىعىرىقتان شىعۋدىڭ ءبىر جولى" تاقىرىبىندا كەلگەن قوناقتارمەن كوۋچينگ ساباعىن وتكىزدى.

Abai.kz