بۇل تۋرالى قازىعۇرت اۋدانىنىڭ اكىمى تولەگەن تەلعاراەۆ وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا حابارلادى.

تاۋەلسىزدىك جىلدارىنداعى جەتىستىكتەردى بايانداعان ت.تەلعاراەۆ اۋداننىڭ جالپى وڭىرلىك ءونىمى 74,2 ملرد. تەڭگەگە جەتىپ، 30,6 ەسەگە، ال ونەركاسىپ ءونىمىنىڭ كولەمى 4 431,7 ملن. تەڭگەگە جەتىپ، 45,8 ەسەگە ارتقانىن ايتتى. وسى جىلدار ىشىندە قازىعۇرتقا جالپى 102,7 ملرد. تەڭگە ينۆەستيتسيا تارتىلسا، 2016 جىلى 13 963,3 ملن. تەڭگەگە دەيىن وسكەنىن  باياندادى.

«بيزنەستىڭ جول كارتاسى – 2020» باعدارلاماسى اياسىندا 2012 جىلدان بەرى جالپى سانى 28 جوبا قولداۋ تاپقان. اۋداندا شىعارىلعان ءونىم كولەمى جانە كورسەتىلگەن قىزمەت پەن جۇمىس كولەمدەرى 33,3 ملرد تەڭگە بولىپ، 1991 جىلمەن سالىستىرعاندا 51 ەسەگە ارتتى. كاسىپكەرلىكتى دامىتۋعا 6 نەسيە بەرۋ ۇيىمدارى ارقىلى، 2009 جىلدان بەرى اۋدان كاسىپكەرلەرىنە 9,8 ملرد.تەڭگە قارجى بەرىلگەن»،- دەدى اۋدان باسشىسى.

ءباسپاسوز ءماسليحاتىندا بەلگىلى بولعانداي اۋداندا تامشىلاتىپ سۋارۋ ءادىسىنىڭ جالپى كولەمى 2384 گەكتارعا، ال جىلىجايلار كولەمى 88,9 گەكتارعا جەتكەن. وسى جىلىجايلاردان بيىل 4,5 مىڭ توننا كوكونىس ونىمدەرى جينالعان.  ال ەگىس كولەمى وتكەن جىلدان 2290 گەكتارعا ارتىپ، 83908 گەكتاردى قۇراپ وتىر. 

سپيكەردىڭ مالىمدەۋىنشە، وسى جىلى داندىك جۇگەرىدەن 2061,2 توننا، كوكونىستەن 10397 توننا، باقشادان 2550 توننا، كارتوپتان 5189 توننا، ماساقتى داقىلداردان 113251  توننا ءونىم جينالعان. ال،  بيدايدىڭ ورتاشا ونىمدىلىگى 26,9 تسەنتنەردى قۇرادى.

مۇنان بولەك، تاۋەلسىزدىك جىلدارى ءىرى قارا مال سانى 64 880 باسقا جەتىپ، 1,5 ەسەگە، قوي-ەشكى سانى 356 843 باسقا جەتىپ، 1,3 ەسەگە، جىلقى سانى 28 331 باسقا جەتىپ، 2,2 ەسەگە وسكەن.

بۇگىنگى كۇنگە اۋداندا 569 ءىرى قارا مال بورداقىلاۋ الاڭدارىندا 9023 باس مال بورداقىلانىپ، 13015 توننا ەت ءوندىرىلدى. ەت ءونىمى 13 015 تونناعا جەتىپ، 1,3 ەسەگە، ءسۇت ءونىمى  43 488,7 تونناعا جەتىپ، 1,2 ەسەگە وسكەن.

جالپى، قۇرىلىس سالاسى بويىنشا 2001-2016 جىلدار ارالىعىندا 18,3 ملرد. تەڭگەگە 131 نىساننىڭ قۇرىلىس جۇمىستارى جۇرگىزىلدى. سونىمەن قاتار، اۋداندا تاۋەلسىزدىك جىلدارى 32 مەكتەپ، 7 بالاباقشا،  1 مادەنيەت ءۇيى، 1 اۋداندىق اۋرۋحانا مەن ەمحانا، 8 دارىگەرلىك امبۋلاتوريا، 1 اۋىلدىق ەمحانا، 1 اۋىلدىق اۋرۋحانا عيماراتى، 9 فەلدشەرلىك-اكۋشەرلىك جانە 9 مەديتسينالىق تىرەكتەر سالىنعان.

گازداندىرۋ جۇمىستارى بويىنشا 64 ەلدى مەكەننىڭ بۇگىنگى تاڭعا 26 نەمەسە 40 پايىزى تابيعي گازبەن قامتىلعان. قازىرگى تاڭدا قۇرىلىسى اياقتالعان 16 ەلدى مەكەنگە تابيعي گاز قوسۋ جۇمىستارى جۇرگىزىلۋدە. جالپى اۋدان بويىنشا 42 ەلدى مەكەن تابيعي گازبەن قامتىلىپ، 65,6 پايىزدى قۇرايتىن بولاتىنىڭ ايتقان اۋدان باسشىسى الداعى ۋاقىتتا بۇدان دا اۋقىمدى جۇمىستار اتقارىلاتىنىن جەتكىزدى.

Abai.kz