استانا بىشكەككە "ىزدەۋدەگى" گەرمانيا ازاماتىن ەكستراديتسيالادى
قازاقستان قىرعىزستانعا الاياقتىق جاسادى دەگەن كۇدىكپەن حالىقارالىق ىزدەۋدە جۇرگەن گەرمانيا ازاماتىن بەردى. ەلدىڭ ىشكى ىستەر مينيسترلىگى 66 جاستاعى اسەلبورن ۆالدەماردىڭ قىرعىزستانعا ەكستراديتسيالانعانىن حابارلادى.
تەرگەۋ مالىمەتى بويىنشا، اسەلبورن ۆالدەمار 2013 جىلدىڭ مامىر ايىندا قىرعىزستان ازاماتىنان 120 مىڭ اقش دوللارىن الىپ، گەرمانيادان شىرىن وندىرەتىن قۇرال-جابدىق جەتكىزەمىن دەپ ۋادە ەتكەن. بىراق اقشانى الىپ، ءىزىن جاسىرعان.
ول 2016 جىلدىڭ قازان ايىندا الماتى اۋەجايىندا ۇستالعان. ونى قىرعىزستانعا بەرگەنگە دەيىن، تەرگەۋ ءىسى جۇرگىزىلگەن. بۇگىندە ول بىشكەك ىشكى ىستەر باسقارماسىنىڭ ۋاقىتشا تەرگەۋ اباقتىسىنا وتىر.
اباي اقپارات
