-  ەرتەرەكتە سارت ساۋداگەرىنىڭ «قازاقتىڭ ءجۇز تۇيەسىن بۇرالقى ءيتتىڭ قۇيرىعىنا بايلاپ تاشكەنتكە اپاردىم» دەگەنىنە سەنگەنىمىز سەكىلدى، قازىردە دە «سىباعاما قوڭىر قاز، ۇلەسىمە ءۇش ۇيرەك» دەگەن اڭشىعا : «قايتسىن، اتاپ-اتاپ الدى عوي» دەي سالاتىن كۇپى جامىلعان قامسىز كۇيىمىز  سول قالپى.  تالاي وپىق جەسەك تە قيلى-قيلى قىرسىققا تاپ قىلعان وسى اڭقاۋلىقتان ارىلا الار ەمەسپىز.  ەگەمەندىكتەن ەنشى الا الماعاندار  وگەيدەي بولىپ جۇرسە دە،  «قارى قالىڭ قىستىڭ ارتىنان كوگى قالىڭ، كولى مول جاز كەلەر» دەگەن ۇمىتكە مالدانىپ ءجۇر. تەزەگىن دە اقشا قىلۋ ءۇشىن تاڭ اتا ساتىپ جىبەرەتىن جاپوندار مەن جەر بەتىندە جورعالاعاننىڭ ءبارىن دە پايداسىنا جاراتاتىن قىتايلاردىڭ تىرشىلىگىنە ۇقسامايتىن دالانىڭ دارحان تىرشىلىگىنە ۇيرەنگەن بايىرعى تىرشىلىگىمىز بىتىسىپ-شاتاسىپ، تونالىپ، قايىرۋ بەرمەي بارادى.

-  وسى كۇنگى تىرلىگىمىز -  اناۋ كەزدە  كولدەنەڭ ءجۇرىستى ايەلدىڭ پارتيا حاتشىسىنا: «ءوزىم كوممۋنيست بولعانمەن، انا جەرىم كوممۋنيست ەمەس قوي» دەپ، ويلاس ەمەس، ويناس ىزدەگەن تىرلىگىنە ۇقساپ بارادى. ول كەزدە سوگىس العاندار كوكبەت اتاناتىن. وسى كۇنگىنىڭ كوكبەتتەرىنە ساحنادا دامبال شەشسە دە  سوگىس بەرەتىن  حاتشى دا، قوجا دا جوق.  تەمىرحاننىڭ «مايمىلدار پاتشالىعى تۋرالى اڭىز» دەگەن شىعارماسىن وقىعان جۇماتاي جورنالشى: «تەمەكە، جانر ايىرۋدان قالىپسىز. مىنا شىعارماڭىز اڭىز ەمەس، بۇگىنگى كۇننىڭ شىڭعىرعان شىندىعى عوي» دەگەن ەكەن. ايتارىن تۋرا ايتا الماي وسىلايشا تۇسپالداپ مىسالداپ ايتۋعا ءماجبۇر بولىپ جۇرگەندەر جوق ەمەس.

-  ەرتەرەكتە سارت ساۋداگەرىنىڭ «قازاقتىڭ ءجۇز تۇيەسىن بۇرالقى ءيتتىڭ قۇيرىعىنا بايلاپ تاشكەنتكە اپاردىم» دەگەنىنە سەنگەنىمىز سەكىلدى، قازىردە دە «سىباعاما قوڭىر قاز، ۇلەسىمە ءۇش ۇيرەك» دەگەن اڭشىعا : «قايتسىن، اتاپ-اتاپ الدى عوي» دەي سالاتىن كۇپى جامىلعان قامسىز كۇيىمىز  سول قالپى.  تالاي وپىق جەسەك تە قيلى-قيلى قىرسىققا تاپ قىلعان وسى اڭقاۋلىقتان ارىلا الار ەمەسپىز.  ەگەمەندىكتەن ەنشى الا الماعاندار  وگەيدەي بولىپ جۇرسە دە،  «قارى قالىڭ قىستىڭ ارتىنان كوگى قالىڭ، كولى مول جاز كەلەر» دەگەن ۇمىتكە مالدانىپ ءجۇر. تەزەگىن دە اقشا قىلۋ ءۇشىن تاڭ اتا ساتىپ جىبەرەتىن جاپوندار مەن جەر بەتىندە جورعالاعاننىڭ ءبارىن دە پايداسىنا جاراتاتىن قىتايلاردىڭ تىرشىلىگىنە ۇقسامايتىن دالانىڭ دارحان تىرشىلىگىنە ۇيرەنگەن بايىرعى تىرشىلىگىمىز بىتىسىپ-شاتاسىپ، تونالىپ، قايىرۋ بەرمەي بارادى.

-  وسى كۇنگى تىرلىگىمىز -  اناۋ كەزدە  كولدەنەڭ ءجۇرىستى ايەلدىڭ پارتيا حاتشىسىنا: «ءوزىم كوممۋنيست بولعانمەن، انا جەرىم كوممۋنيست ەمەس قوي» دەپ، ويلاس ەمەس، ويناس ىزدەگەن تىرلىگىنە ۇقساپ بارادى. ول كەزدە سوگىس العاندار كوكبەت اتاناتىن. وسى كۇنگىنىڭ كوكبەتتەرىنە ساحنادا دامبال شەشسە دە  سوگىس بەرەتىن  حاتشى دا، قوجا دا جوق.  تەمىرحاننىڭ «مايمىلدار پاتشالىعى تۋرالى اڭىز» دەگەن شىعارماسىن وقىعان جۇماتاي جورنالشى: «تەمەكە، جانر ايىرۋدان قالىپسىز. مىنا شىعارماڭىز اڭىز ەمەس، بۇگىنگى كۇننىڭ شىڭعىرعان شىندىعى عوي» دەگەن ەكەن. ايتارىن تۋرا ايتا الماي وسىلايشا تۇسپالداپ مىسالداپ ايتۋعا ءماجبۇر بولىپ جۇرگەندەر جوق ەمەس.

- مارك تۆەننىڭ «ومىردە وتىرىكتىڭ ءۇش ءتۇرى بار. جاي وتىرىك، بەتسىز بوسپەلىك جانە ستاتيستيكا". سىرت ەلدىڭ ءبىر داناگويىنىڭ: «قوعامداعى وسىنداي وتىرىكتەرگە بەيجاي قارايتىن ادامدار قاۋىپتى» دەگەن ءسوزى بار. اعىلشىن كورولى ليۋدوۆيك ء1ۇ جاڭا قىزمەتكە بىرەۋدى تاعايىنداعان سايىن 99 جاعىمپازعا ءبىر وتىرىكشىنى قوستىم دەپ وتىرادى ەكەن. كونە زامان فيلوسوفى اريستيپ سونداي جاعىمپازدىڭ بىرىنە كورول سارايىندا بەتىنە تۇكىرىپ تۇرىپ، «بۇل سارايدا باسقا تۇكىرەتىن جەر تاپپادىم» دەگەن ەكەن. بەتكە ايتقاندى بەيباق كورەتىن ورتا وسىعان ماجبۇرلەيدى. كولگە اپارىپ ۇيتقى  قۇيىپ ايران جاساماق بولعان قوجاناسىر مەن قازىرگى تازشالاردىڭ قىرىق وتىرىگىنە  سەنە سالامىز. شەمىشكە شاعىپ وتىرىپ بايىعانداردان ۇيرەنگەن ۇلگىمەن  تۇقىمىمىزعا ءسىڭىپ كەتەر-اۋ دەگەن قاۋىپقا قاراماي راحاتتانىپ تىڭدايمىز.

- شىعىس عۇلامالارى ءۇش نارسە بايانسىز دەپ ايتىپ كەتكەن: - ساۋداعا سالىنعان مانساپ; - ايتىسسىز - عىلىم; - جۇيەسىز - ساياسات. نەبىر ويشىلدار ءوز زامانىندا مىنا تىرشىلىكتەگى ادام بالاسى ءسوزى - شىندىققا، ءىسى - ادىلەتتىلىككە ساي بولا بەرمەيتىنىن ايتۋىنداي ايتسا دا، سەبەپتەرىن ءدال باسىپ تابا الماپتى.  ءومىردى جوندەۋ ءۇشىن ادام الدىمەن ءوزىن جوندەۋگە ءتيىس دەگەن قاعيدا ەجەلدەن بار. ادامعا دا، زامانعا دا ءامىر  جۇرگىزبەك بولۋ جاراتۋشىدان باسقا پەندە اتاۋلىعا   بەرىلمەگەن قۇدىرەت. «...قيامەت كۇنى كۇنام ءۇشىن مەنى نەگە توزاققا نەگە سالاسىز. كۇنالى ەتىپ جاراتقان ءوزىڭىز كىنالى ەمەسسىز بە؟» دەپ   جاراتۋشىعا داتىن ايتقان ومار حايام سياقتى  قازىرگىنىڭ كۇناھار پەندەلەرىنە ساۋال قويا الار ەمەسپىز.. بۇلاقتىڭ سۋىن ۋعا اينالدىرىپ جۇرگەندەردى  اقىلعا شاقىرعاندار اقىماق سانالىپ، اقيقات ايتۋشىلاردىڭ  ءبىر مىلجىڭداي قۇنى بولماي وتىر.

ساكەن بوزاەۆ

اتىراۋ وبلىسى، قۇلسارى قالاسى.