بۇل جونىندە وڭىرلىك كوممۋنيكاتسيالار قىزمەتىندە وتكەن كەزەكتى بريفينگتە الماتى وبلىستىق قازاقستان حالقى اسسامبلەياسى توراعاسىنىڭ ورىنباسارى، حاتشىلىق مەڭگەرۋشىسى عابيت تۇرسىنباي مالىمدەدى.   

12-22 ناۋرىز ارالىعىندا وبلىس بويىنشا «بىرلىك»، «تاعزىم»، «ۇرپاقتار ساباقتاستىعى»، «ونەگە»، «سالاۋات»، «ۇلىستىڭ ۇلى كۇنى» جانە «قايىرىمدىلىق» دەگەن 7 بولىمگە توپتاستىرىلىپ، ونكۇندىك جاريالاندى.

ناۋرىز مەيرامى بۇگىندە ەگەمەن ەلىمىزدى مەكەن ەتكەن 130 ۇلت وكىلدەرىنىڭ ورتاق مەرەكەسىنە اينالدى. اتا-بابامىزدىڭ وزىق ءداستۇرىن جالعاستىرۋ ماقساتىندا بۇل كۇندەرى اعاش وتىرعىزۋ اكتسيالارى، قايىرىمدىلىق شارالارى وتكىزىلەدى. وبلىسقا قاراستى بارلىق اۋدان، قالالارداعى اكىمدىكتەر تۇرعىندارعا مەرەكەلىك باعدارلامالار ازىرلەيدى.

ناقتىراق ايتار بولساق، كەشە، ياعني 14 ناۋرىزدا ونكۇندىكتىڭ بەتاشارى تالعار اۋدانىندا الماتى وبلىستىق قازاقستان حالقى اسسامبلەياسى جانىنداعى جەتەكشى جۋرناليستەر مەن ساراپشىلار كلۋبىنىڭ «قازاقستان حالقى اسسامبلەياسىنىڭ 2025 جىلعا دەيىنگى مەملەكەتتىك ستراتەگيالىق باعدارلامانى جۇزەگە اسىرۋداعى باق-تىڭ ءرولى» تاقىرىبىنداعى كوشپەلى جيىنمەن اشىلدى. ودان كەيىن پانفيلوۆ اۋدانىندا قازاقستاننىڭ  ۇلتتىق  حش جاستار دەلفيلىك ويىندارىنىڭ اشىلۋى ۇيىمداستىرىلىپ، رايىمبەك اۋدانىندا م.ماقاتاەۆ اتىنداعى رەسپۋبليكالىق جاس اقىندار ءمۇشايراسى وتەدى.

- 21 ناۋرىزدا ەڭبەكشىقازاق اۋدانىندا كولەمدى ەكى شارا، ياعني  جىر الىبى جامبىل جاباەۆقا ارنالعان ەسكەرتكىشتىڭ جانە  ەسىك قالاسىندا جاستارعا ارنالعان ساياباقتىڭ اشىلۋى جوسپارلانعان. تاعى ءبىر ۇلكەن شارالارىڭ ءبىرى - كارىس حالقىنىڭ قازاقستاندى مەكەن ەتكەنىنە 80 جىل بولعان قۇرمەتىنە وراي 22 ناۋرىزدا كورەيادان دەلەگاتتار كەلەدى. وسى كۇنى وبلىس ورتالىعى - تالدىقورعان  قالاسىندا  قاز-قاتار 30 كيىز ءۇي تىگىلىپ، ناۋرىزكوجە تاراتىلادى. وسى ورايدا ايتا كەتەيىك، وتكەن 1 ناۋرىز – العىس ايتۋ كۇنى وبلىس بويىنشا 600-دەي ادامعا 9 ملن. تەڭگەدەن استام قارجىعا باعالانعان قايىرىمدىلىق شاراسى كورسەتىلدى. وسى ونكۇندىك شەڭبەرىندە دە تالاي اعايىنعا ناقتى كومەكتەر ۇيىمداستىرالادى دەپ وتىرمىز، - دەدى ع.تۇرسىنباي.

اباي-اقپارات