جۇما, 29 ناۋرىز 2024
اتتەڭ... 6583 0 پىكىر 15 ناۋرىز, 2017 ساعات 10:05

ولجاس پەن بيگەلدىلەر قازاققا قارسى جۇمىس ىستەپ جاتىر

Abai.kz اقپاراتتىق پورتالىنىڭ ەلەكتروندى پوچتاسىنا بەلگىلى جۋرناليست جۇماش كوكبورىنىڭ اتىنان "ولجاستار، بيگەلدىلەر جانە ت.ب. «شالا قازاقتار»   - قانداي «قازاق ۇلتشىلدارىمەن» كۇرەسىپ جاتىر؟.." اتتى ماتەريال كەلىپ ءتۇستى. ولجاس سۇلەيمەنوۆ پەن بيگەلدى عابدۋلليندەردى سىن تەزىنە العان ماقالانىڭ ءبىر ءارىبىن دە وزگەرتپەي نازارلارىڭىزعا ۇسىنامىز. قارسى تاراپتىڭ ايتارى بولسا، ولارعا دا مىنبەر بەرەتىنىمىزدى ەسكەرتەمىز!

Abai.kz اقپاراتتىق پورتالى

"قازاقتاردىڭ دەنى «ۇلت پاتريوتتارى»، باسقاشا ايتقاندا «كىلەڭ ۇلتشىلدار»، بۇلار مەملەكەتىمىزدى وزگە ەلدەردەن وقشاۋلاۋعا تىرىسۋدا. بۇلارمەن كۇرەستى توقتاتپاعان ءجون" دەگەن سىڭايدا قازاقتىڭ ورىس ءتىلدى اقىنى، ورىس دەسە ىشكەن اسىن جەرگە قوياتىن، ورىس ءتىلىنىڭ قامىن جەۋشى ولجاس سۇلەيمەنوۆ تالاي رەت ايتتى. وسى ولجاس «Central Asia Monitor» ي «Radiotochka.kz» باسىلىمدارىنىڭ قوجاسى "بيگەلدى گابدۋللينمەن" تىعىز بايلانىسقا كوشىپ، انا گازەت ارقىلى قازاققا قارسى كۇرەسىن توقتاتار ەمەس.

قازاق حالقى «قازاق ۇلتشىلى» اتانعان  ەكى كەزەڭ ەسىمىزدە.

ونىڭ العاشقىسى، سوناۋ قانىشەر ءستاليننىڭ كەزىندە 30-شى جىلدارعى قاندى رەپرەسسيادا جازالاۋشىلار ەڭ الدىمەن «قازاق ۇلتشىلدارىن» اتىپ، اسقان، ۇزاق مەرزىمگە جەر اۋدارعان. سونىڭ ناتيجەسىندە 4 ميلليونعا جۋىق قازاق قۋعىنعا ۇشىراپ، توز-توزى شىعىپ، جەر بەتىنەن جوق بولعان.

ال، «قازاق ۇلتشىلى» اتانۋدىڭ ەكىنشى كەزەڭى - الماتىداعى 1986 جىلعى «جەلتوقسان قاسىرەتىمەن» تۇسپا-تۇس كەلەدى. ماسكەۋدەگى "قۇدايلار" جەلتوقسان كوتەرىلىسىن جاساعان «قازاق ۇلتشىلدارى» دەپ اشىق ايىپتاپ، ورتالىق كوميتەت وسىنداي قاۋلى قابىلداپ، اياۋسىز جازالاۋ ساياساتىن جۇرگىزىپ، قامالعانداردىڭ الدىنا ءولىم جازاسىن، قالعانىنا «يت جەككەن» بۇيىرعانى بۇگىنگىدەي ەسىمىزدە...

«قازاق ۇلتشىلدىعىن» ايىپتاۋدىڭ ءۇشىنشى كەزەڭى - قازاقستان تاۋەلسىزدىگىن العان كۇننەن باستالىپ كەتتى دەسەك ارتىق ايتقاندىق بولماس.  تاۋەلسىزدىكتىڭ 25 جىلدىعىندا و.سۇلەيمەنوۆ باستاعان توپ اشىق تۇردە «قازاق ۇلتشىلدارىمەن، ۇلتشىل پاتريوتتارمەن» اياۋسىز كۇرەستەرىن باستاپ كەتتى. 

قازاق ءتىلىن تۇقىرتۋ ساياساتى، ء«ۇش تىلدىلىك»، «الىپپەدەن» باستاپ بارلىق قازاق وقۋلىقتارىن الاستاۋ، ۇبت-دان قازاق ءتىلىن الىپ تاستاۋ، ت.ب. قازاق ۇلتىنا قارسى جۇرگىزىلىپ جاتقان جاۋلىق ساياساتتىڭ بارلىعى ءبىزدىڭ وسى ويىمىزعا دالەل بولا الادى...

تاعى دا قازاقتىڭ باسىنا قارا بۇلت ۇيمەلەيتىن كۇن تاياۋ سياقتى. باسقاشا ايتقاندا، «شالاقازاقتارمەن» كۇرەستىڭ سوڭى بەيبىتشىلىكپەن بىتەتىنىنە كۇمان بار...

جۇماش كوكبورى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594