قۋاندىق بيشىمباەۆتىڭ ىسىنە قاتىستى جاڭا دەرەكتەر جاريالانۋى مۇمكىن. ول تۋراسىندا ۇلتتىق بيۋرونىڭ تەرگەۋشىلەرى مالىمدەپ وتىر.

بۇرىنعى ۇلتتىق ەكونوميكا ءمينيسترى بيۋدجەت اقشاسىن جىمقىرىپ قانا قويماي، قىزمەتىن دە اقىلى تۇردە پايدالانعان دەيدى تەرگەۋشىلەر. ياعني، تەڭگەسىن تولەگەندەرگە مينيسترلىك تاراپىنان قولداۋ جاساپ، ءتىپتى زاڭسىز ىستەرگە دەيىن كورمەگەندەي سىڭاي تانىتقان.

جەمقورلىققا قارسى ۇلتتىق بيۋرو ولاردىڭ ناقتى كىم ەكەنىن ازىرگە اشىپ ايتقان جوق. بەلگىلىسى، زاڭدى بەلشەدەن باسقان ەكس-مينيسترگە قاتىستى تاعى بىرنەشە باپ بويىنشا ءىس قوزعالعان.

ايتا كەتەيىك، قۋاندىق بيشىمباەۆ «بايتەرەك» حولدينگىن باسقارعان كەزدە قىزىلورداداعى شىنى زاۋىتىنىڭ قۇرىلىسىنا بولىنگەن قارجىنىڭ ميلليارد تەڭگەسىن جىمقىرعان دەپ ايىپتالۋدا.

اباي-اقپارات