جاقىندا قازاقستانعا رەسەيدىڭ ءجۋرناليستى كەلەدى ەكەن.  "روسسيا-1" ارناسىنىڭ جۇرگىزۋشىسى ۆلاديمير سولوۆەۆ الماتى مەن استانادا شەشەندىگىن كورسەتىپ، شەبەرلىك سىنىبىن وتكىزبەك كورىنەدى. 

"سەمينار پود گرومكيم نازۆانيەم "جەستكيە پەرەگوۆورى، يلي يسكۋسستۆو بىت ليدەروم!", پو سلوۆام ورگانيزاتوروۆ، پوزۆوليت ۋچاستنيكام پروەكتا ناۋچيتسيا "ۆىيگرىۆات ۆ پەرەگوۆوراح ۆ ليۋبوي وبستانوۆكە س ليۋبىمي وپپونەنتامي، "دوجيمات" سلوجنىح كليەنتوۆ ي پارتنەروۆ" دەگەندى جازعان ورىس ءتىلدى اقپاراتتىق سايتتار ءسۇيىنشى سۇراپ جاتىر.

سويلەگەندە سوزدەن سۇرىندىرەم دەپ ەكپىندەپ  كەلە جاتقان سولوۆەۆتىڭ سەمينارىنا قاتىسۋدىڭ قۇنى 54 مىڭ تەڭگەدەن باستالادى. قالتاسى قالىڭدار 324 مىڭ تەڭگەگە بيلەت الا الادى.

ۇلىدەرجاۆالىق ءشوۆينيزمنىڭ اتتانشىسى سولوۆەۆ ۆلاديمير رۋدولفوۆيچ ورىس ساياساتىنىڭ شولاقبەلسەندىسى ەكەنى امبەگە ايان. 

ۆلاديمير سولوۆەۆ تۋرالى ايتقاندا وتكەن جىلعى جەر ماسەلەسى جونىندەگى جالپىحالىقتىق تولقۋلار ەسكە تۇسەدى. ورىس تەلەەفيرىنىڭ توسەكتەگى تەورەتيگى "روسسيا" ارناسىندا قازاقستانداعى ميتينگتەر تۋرالى تالقى جاسادى. ءسويتىپ كرەمل ساياساتكەرى ەۆگەني ساتانوۆسكي "ەگەر بۇلاي جالعاساتىن بولسا، قازاقستان ۋكراينانىڭ كەبىن كيەدى" دەدى. سولوۆەۆ جۇرگىزەتىن باعدارلامانىڭ قازاقستانداعى جەر ماسەلەسىنە ارنالاعان كەزەكتى كورسەتىلىمى 2016 جىلدىڭ 22 مامىرىندا ەفيرگە شىقتى.

(28-مينۋتتان باستاپ قازاقستانداعى جاعداي تالقىلانادى)

ايتپاقشى، ۆلاديمير سولوۆەۆ - قازاقستاندا ءدىني ناسيحاتشى دەپ تانىلعان تۇلعا. گاپ ونىڭ "ەۆانگەليە وت سولوۆەۆا" جانە "اپوكاليپسيس وت ۆلاديميرا" دەيتىن قوس كىتابىندا. 

دانتەنىڭ "قۇدىرەتتى كومەدياسى" نەمەسە گەتەنىڭ "فاۋستى" سەكىلدى ۆلاديمير سولوۆەۆ تە ايانباعان. ول ءوزىن اقىرزاماننان قۇتقارۋشى اۋليە رەتىندە سيپاتتاپ، سوڭعى پايعامباردىڭ كەلەتىنىن ەسكەرتۋ ءۇشىن تەلە شوۋ اشقان قاھارمان وبرازىن سومدايدى. ونىڭ باعدارلاماسىنا رف پرەزيدەنتى ۆلاديمير پۋتيننەن باستاپ، ريم پاپاسىنا دەيىن بولىپتى. ءسويتىپ ادامزات بالاسىنا "اق جولدى" نۇسقايدى-مىس. قىسقاشاسى وسى. جازۋشى دەمەكشى، سولوۆەۆتىڭ تاعى ءبىر داۋلى كىتابى - "مى رۋسسكيە! س نامي بوگ!" دەپ اتالادى.

مىنە، سويتكەن سولوۆەۆ كەلە جاتىر. ول ءبىرىنشى رەت كەلە جاتقان جوق. وسىعان دەيىن دە سەمينار وتكىزىپ كەتكەن. ەلىمىزدى تىلدەپ، شەكارامىزعا شۇيلىككەن كرەمل شوۆينيستەرى قاشانعى قازاققا كەلىپ قالتالارىن قامپايتىپ كەتپەك؟ جالقى سۇراعىمىز وسى.

نۇرگەلدى ابدىعانيۇلى

Abai.kz