تۇركىمەن پرەزيدەنتى سايلاۋداعى قارسىلاسىنىڭ قىزمەتىن ءوسىردى
تۇركىمەنستان پرەزيدەنتى گۋربانگۇلى بەردىمۇحامەدوۆ بۇرىنعى قارسىلاسىن جوعارى قىزمەتكە تاعايىندادى. تۇركىمەن اقپارات قۇرالدارىنىڭ حابارلاۋىنشا، 12 اقپانداعى پرەزيدەنتتىك سايلاۋدا ەكىنشى ورىن العان ماقسات اننانەپەسوۆ تۇركىمەنستاننىڭ مەملەكەتتىك تاماق ونەركاسىبى بىرلەستىگىنىڭ توراعاسى بولىپ تاعايىندالدى.
اننانەپەسوۆتى پرەزيدەنتتىككە ۇمىتكەر رەتىندە باستاماشىل توپ ۇسىنعان ەدى. سول كەزدە ول بىرلەستىك توراعاسىنىڭ ورىنباسارى بولاتىن. سايلاۋدا ول 1,02 پايىز داۋىسپەن ەكىنشى ورىن الدى.
قازىرگى پرەزيدەنتتىڭ قالعان جەتى قارسىلاسى ءبىر پايىزدان از داۋىس جينادى. ولاردىڭ قىزمەتتەگى مانساپتارى تۋرالى ازىرگە مالىمەت جوق، بىراق جاۋاپتى قىزمەتتەرگە تاعايىندالۋى مۇمكىن دەگەن بولجام بار.
تۇركىمەنستاندى 2007 جىلدان بەرى باسقارىپ كەلە جاتقان بەردىمۇحامەدوۆ جاقىندا وتكەن پرەزيدەنتتىك سايلاۋدا 97,69 پايىز داۋىس جيناعان.
