شەرۋگە جينالعانداردىڭ اراسىندا بۇرىنعى پرەزيدەنت روزا وتۋنباەۆا دا بار. ولار "اتا مەكەن" پارتياسىنىڭ جەتەكشىسىن جانە قىرعىزستاننىڭ ۋاقىتشا ۇكىمەتىنىڭ باسقا دا مۇشەلەرىن ساياسي سەبەپتەرمەن قۋدالادى دەپ ەسەپتەيدى.

باس پروكۋراتۋرا "اتا مەكەن" پارلامەنتتىك فراكتسياسىنىڭ جەتەكشىسىنە قاتىستى قىلمىستىق ءىس قوزعادى. مەكەمە مالىمەتى بويىنشا، تەكەبەك ۋاقىتشا ۇكىمەتتى باسقارعان كەزدە بىرقاتار رەسەيلىك تەلەكوممۋنيكاتسيالىق كومپانيالاردىڭ قوجايىنى لەونيد ماەۆسكيدەن ءبىر ميلليون دوللار پارا العان. سول اقشاعا ول رەسەيلىك كاسىپكەردى "الفا تەلەكوم" جاق باسقارماسىنا كىرگىزۋدى، ودان سوڭ ول كومپانيانى ساتۋعا جانە وعان ساياسي قولداۋ كورسەتۋگە ۋادە بەرگەن.

بۇل ۋادەلەرىن تەكەباەۆ ورىنداماعان، العان اقشانى قايتارۋدان باس تارتقان، بۇعان قاتىستى اقپارات تاراعان جاعداي ونىڭ ءوزىنىڭ كوزىن جويۋعا ۋادە بەرگەن. وسىنداي مالىمدەمەمەن كاسىپكەردىڭ ءوزى قىرعىزستاننىڭ ارنايى قىزمەتىنە شاعىمدانعان.

"وسىلايشا، لەونيد ماەۆسكي جوگوركۋ كەنەشتىڭ بۇرىنعى دەپۋتاتى ومىربەك ءابدىراحمانوۆتىڭ، "پەنۆەل" كومپانياسىنىڭ وكىلى راۋشان رىكۋنوۆانىڭ ساياساتكەر تەكەباەۆ پەن ونىڭ جاقتاستارىنىڭ "الفا تەلەكومعا" قاتىستى ءتۇرلى زاڭسىز ارەكەتتەرگە بارعانى تۋرالى ايتقاندارىن راستادى", - دەلىنگەن مۇقك مالىمدەمەسىندە.

اباي-اقپارات