«قازاقستان» رترك» اق  جۇيەسىندە بىرقاتار كادرلىق وزگەرىستەر بولدى، – دەپ حابارلايدى Tengrinews.kzء تىلشىسى تەلەارنانىڭ سايتىنا سىلتەمە جاساپ.

ءاشىموۆ اسقار تۇرعانبايۇلى «قازاقستان» ۇلتتىق تەلەارناسىنىڭ ديرەكتورى بولىپ تاعايىندالدى. ول ءار جىلدارى «قازاقستان» رترك» اق اتىراۋ وبلىستىق فيليالىنىڭ ديرەكتورى، «قازاقستان» ۇلتتىق تەلەارناسىنىڭ باس رەجيسسەرى قىزمەتتەرىن اتقارعان.

سونداي-اق، «قازاقستان» رترك» اق-نىڭ ايماقتىق دامۋ ديرەكتسياسىنىڭ ديرەكتورى تاعايىندالدى. بۇل لاۋازىمعا بۇرىن «قازاقستان» رترك» اق شىعىس قازاقستان جانە اقمولا وبلىستىق فيليالدارىنىڭ ديرەكتورى قىزمەتىندە بولعان دۇيسەنوۆ ارسەني كەڭەسۇلى بەكىتىلدى.

«قازاقستان» ۇلتتىق تەلەارناسىنىڭ ديرەكتورى قىزمەتىن وسى ۋاقىتقا دەيىن اتقارعان  اعىباەۆ جاناحمەت جانىبەكۇلى اتىراۋ وبلىستىق فيليالىنىڭ ديرەكتورى قىزمەتىنە تاعايىندالدى.

«2017 جىلدىڭ 24 اقپانىنداعى «قازاقستان» رترك» اق ديرەكتورلەر كەڭەسىنىڭ شەشىمىمەن ءمادي ماناتبەك «رەسپۋبليكالىق راديو» جشس-ءنىڭ باس ديرەكتورى بولىپ تاعايىندالدى»، – دەلىنگەن حابارلامادا.

ءمادي ماناتبەك 2012-2013 جىلدارى «قازاقستان» رترك» اق ءوندىرىس جونىندەگى باسقارما توراعاسىنىڭ ورىنباسارى قىزمەتىن اتقارعان. «رەسپۋبليكالىق راديو» جشس «قازاقستان» رترك» اق-نان قۇرىلعان راديو حابارلارىن تاراتۋ بويىنشا جۇمىس اتقاراتىن كاسىپورىن جانە ونىڭ قۇرامىنا قازاق راديوسى، «شالقار»، «استانا»، «Classic»  اتتى ءتورت راديوارنا كىرەدى.

سونىمەن بىرگە، قوعامنىڭ ايماقتاردىڭ دامۋى جونىندەگى باسقارما توراعاسىنىڭ ورىنباسارى ىسقاقوۆ يلياس باشارۇلىنىڭ جانە وسى ۋاقىتقا دەيىن «رەسپۋبليكالىق راديو» جشس باس ديرەكتورى قىزمەتىن اتقارعان وتەعاليەۆ دوسىمبەك قونىسبەكۇلىنىڭ  وكىلەتتىكتەرى توقتاتىلدى.

اباي-اقپارات