بەلگىلى ءدىنتانۋشى مۇرتازا ءجۇنىسۇلى ديماش قۇدايبەرگەنوۆتىڭ جەڭىسىنە قۋانعانداردى سىنادى. ونىڭ ايتۋىنشا، قىتاي حالقى مەدالىن بەرىپ، الداپ-سۇلداپ قازاق حالقىن وزىنە قاراتىپ الماق.

ول Facebook-عى پاراقشاسىندا قىتايدىڭ اقىرىنداپ ەلىمىزدى جاۋلاپ بارا جاتقانىن جازعان.

“قىتايلاردىڭ ماقساتى ورىندالعان ەكەن، ءبىزدىڭ كوپشىلىك مۇنى قۇر əن بايقاۋى جəنە قازاقتىڭ شىناشاقتاي بالاسىنىڭ باعىنىڭ جانۋى دەپ قابىللاپ ۇلگەرىپتى. ءوز ەلىندە نەشە ءتۇرلى توسقاۋىلعا ۇشىراپ، جولى بولماعان قازاقتىڭ جاس بالاسىنىڭ تالانتىن قىتاي ەلى مويىنداپ جاتىر، نەتكەن əدىلەتتى قىتايلار، جاقسى حالىق ەكەن، قازاققا جانى اشيتىن حالىق ەكەن عوي، قورقاتىنداي ەشتەڭەلەرى دە جوق ەكەن عوي، وسى بەكەردەن بەكەر ۇرەيلەنىپ ءجۇرىپپىز قىتايلاردان ت.ب. دەگەن پىكىرلەردى وقىپ جاتىرمىن. مəسەلە، ديماشتا دا ەمەس، ونىڭ داۋىسى مەن تالانتىندا دا ەمەس، ول مەدالدىڭ بىزگە كورىنىپ تۇرعان ءجۇزى. 

بىراق، مىنا كونكۋرس ارقىلى قازاقستان قوعامىنىڭ، əسىرەسە قازاقتاردىڭ قىتاي ەلىنە، قىتاي حالقىنا دەگەن كوزقاراسى ايتارلىقتاي وزگەرىپ كەتتى، پوليتتەحنولوگتاردىڭ كوزدەگەنى دە وسى بولعان شىعار. مۇناي كەن ورىندارىنىڭ ايتارلىقتاي بولىگى قىتايلاردىڭ قولىندا، 51 زاۋىتىن بۇزىپ جيناپ قازاقستانعا əكەپ ورنالاستىرايىن دەپ جاتىر. قازاق قىزدارىن بويداق قىتايلارعا ۇزاتۋ جوباسى ءجۇرىپ جاتىر. قازاقستاننان اۋىلشارۋاشىلىعى نىساناسى بولىپ تابىلاتىن جەرلەردى ساتىپ الۋ نەمەسە جالداۋ ماقساتتارى ايقىن. شىڭعىسحاننىڭ كينوسى مەن سەريالدارى وسىدان ونشاقتى جىل بۇرىن العاشقى پيار جوبالارىنىڭ ءبىرى رەتىندە ءتيىمدى جۇزەگە اسىرىلدى. كورەرمەن جىلى قابىلداپ، استىڭعى ساناعا قىتاي كينوماتوگرافياسىنىڭ وڭ ءيميدجى ورنالاستىرىلدى، ءتىپتى قىتايشا ۇيرەنە باستاڭدار دەگەن سوزدەردى ەستىدىك. ەندى وسى əن بايقاۋى تاعى ءبىر رەت كەرەمەت كۇشتى، باي جəنە əدىلەتتى قىتاي ەلى تۇسىنىگىن ساناعا قۇيىپ بەردى. قۋانىڭىزدار، قۋانا بەرىڭىزدەر!» – دەپ جازادى ول.

ايتا كەتەيىك، جەرلەسىمىز ديماش قۇدايبەرگەنوۆ قىتايدا ءوتىپ جاتقان I am a Singer جوباسىنا قاتىسىپ جاتىر. بايقاۋدىڭ العاشقى كەزەڭىندە ديماش ايگىلى فرانتسۋز ءانىن ورىنداپ، جەڭىس تۇعىرىنان  كورىندى. 28 قاڭتار كۇنى وتكەن ەكىنشى كەزەڭدە ديماش العاشقى جەڭىسىن قايتالادى.

سايتقا ازىرلەگەن: نۇرسۇلۋ نايمانوۆا

Abai.kz