بەيسەنبى, 28 ناۋرىز 2024
بيلىك 3826 0 پىكىر 30 قاڭتار, 2017 ساعات 15:05

قىرىمبەك كوشەرباەۆ جۇمىس ساپارىمەن وزبەكستانعا بارىپ قايتتى

26-27 قاڭتار كۇندەرى قىزىلوردا وبلىسىنىڭ اكىمى قىرىمبەك كوشەرباەۆ  باستاعان دەلەگاتسيا  شەكارالاس وڭىرلەرمەن  ىنتىماقتاستىق بايلانىس ماسەلەلەرىن تالقىلاۋ ماقساتىندا جۇمىس ساپارىمەن وزبەكستان رەسپۋبليكاسىندا بولدى.

جۇمىس ساپارى وزبەكستان رەسپۋبليكاسىنىڭ تۇڭعىش پرەزيدەنتى يسلام كاريموۆتىڭ سامارقاند قالاسىنداعى شاحي زيندا كەسەنەسىندەگى بەيىتىنە گۇل شوقتارىن قويۋدان، سونداي-اق داڭقتى قولباسشى،  جەرلەسىمىز - ءجالاڭتوس ءباھادۇردىڭ كەسەنەسىنە ءتاۋ ەتۋدەن باستالدى. دەلەگاتتار بىرقاتار كاسىپورىنداردى ارالاپ، كاسىپكەرلەرمەن جانە  جەرگىلىكتى كومپانيا باسشىلارىمەن كەلىسسوزدەر جۇرگىزدى.

وسىدان سوڭ قىرىمبەك كوشەرباەۆ سامارقاند وبلىسىنىڭ اكىمى حيممات وكبۋتاەۆپەن كەزدەستى. كەزدەسۋ بارىسىندا تاراپتار قىزىلوردا جانە سامارقاند وبلىستارىنىڭ اراسىنداعى وندىرىستىك جانە ساۋدا-ەكونوميكالىق ىنتىماقتاستىقتىڭ پەرسپەكتيۆالارىن  تالقىلادى.

ال، ناۋاي وبلىسىنا ساپار باعدارلاماسى نۇراتاداعى ايتەكە بي مەموريالدىق كەشەنىنە بارۋدان باستالدى. وندا قازاق مادەني ورتالىعىنىڭ بەلسەندىلەرىمەن كەزدەسۋ ءوتتى.

جۇمىس ساپارى قىزىلوردالىق كاسىپكەرلەر مەن ناۋاي وبلىسى ىسكەر توپتارىنىڭ قاتىسۋىمەن وتكەن بيزنەس-فورۋممەن جالعاستى. وزبەكستان تاراپى قوناقتارعا 2008 جىلى قۇرىلعان «ناۋاي» ەركىن يندۋستريالدى-ەكونوميكالىق ايماعىنىڭ مۇمكىندىكتەرىن تانىستىردى. «ناۋاي» ەركىن يندۋستريالدى-ەكونوميكالىق ايماعىندا سالىقتىق،   ۆاليۋتالىق  جانە  كەدەندىك پرەفەرەنتسيالاردى قامتيتىن ەرەكشە  قۇقىقتىق رەجيم جۇمىس ىستەيدى. سونىمەن قاتار اۋماققا كولىكپەن كەلىپ كەتۋ،   وزبەكستان رەسپۋبليكاسىنىڭ تۇرعىلىقتى ەمەس ازاماتتارى ءۇشىن  ەڭبەك ەتۋگە  رۇقسات بەرۋدىڭ جەڭىلدەتىلگەن ءتارتىبى قاراستىرىلعان. بۇدان بولەك، «ناۋاي» ەركىن يندۋستريالدى-ەكونوميكالىق ايماعىنداعى كاسىپورىندار جوعارى دەڭگەيلى ينفراقۇرىلىممەن قامتاماسىز ەتىلەدى.   

قىرىمبەك كوشەرباەۆ پەن ناۋاي وبلىسىنىڭ اكىمى كابۋل تۋرسۋنوۆ ونەركاسىپ جانە  اۋىل شارۋاشىلىعى ونىمدەرىن قايتا وڭدەۋ سالالارىنداعى ەكىجاقتى ىنتىماقتاستىقتىڭ پەرسپەكتيۆالارىن  تالقىلادى.

27 قاڭتار كۇنى دەلەگاتتار تاشكەنت قالاسىنداعى تولە بي جانە ء امىر تەمىر كەسەنەلەرىنە  گۇل شوقتارىن قويدى. قىرىمبەك كوشەرباەۆ وزبەكستان رەسپۋبليكاسى ولي ءماجىلىسى سەناتى توراعاسىنىڭ ورىنباسارى  سوديك سافوەۆپەن، سونداي-اق تاشكەنت قالاسىنىڭ اكىمى راحمونبەك ۋسمانوۆپەن، وزبەكستان استاناسىنداعى بىرقاتار ونەركاسىپتىك كاسىپورىننىڭ باسشىلارىمەن كەزدەستى. بيزنەس وكىلدەرىمەن كەزدەسۋ بارىسىندا قىرىمبەك كوشەرباەۆ بۇگىندە مەملەكەتىمىز نۇرسۇلتان ءابىشۇلى نازارباەۆتىڭ باستاماسىمەن شەتەلدىك ينۆەستورلارعا جەڭىلدىكتەر پرەفەرەنتسيالارىن  ۇسىنىپ وتىرعاندىعىن اتاپ ءوتتى.

- ولار – كەدەندىك باج سالىعىنان بوساتۋ، مەملەكەتتىك گرانتتار ۇسىنۋ، سالىق جانە  ينۆەستيتسيالىق سۋبسيديا بويىنشا جەڭىلدىكتەر بەرۋ. ال جەرگىلىكتى بيلىك ءوز كەزەگىندە ءوندىرىس ورىندارىنا جەر تەلىمدەرىن ءبولۋ مەن قاجەتتى ينفراقۇرىلىم جۇرگىزۋگە كەپىلدىك بەرەدى. ءوز كەزەگىندە ءبىز اگرونەركاسىپ  سەكتورى، ازىق-تۇلىك، ەلەكتروتەحنيكا، قۇرىلىس جانە اۆتوموبيل ونەركاسىبى سالالارى بويىنشا  وزبەكستان تاجىريبەسىنە سۇيەنگىمىز  كەلەدى،- دەدى قىرىمبەك كوشەرباەۆ.

ساپار قورىتىندىسى بويىنشا قول جەتكىزىلگەن  كەلىسسوزدەردىڭ جۇزەگە اسىرىلۋىن قامتاماسىز ەتەتىن بىرلەسكەن ايماقارالىق جۇمىس توپتارى قۇرىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532