اقش-تا 2016 جىلدىڭ 12 ماۋسىمىندا ورلاندوداعى Pulse كلۋبىنا كەلۋشىلەردى قىرىپ سالعان تەرروريست ومار ءماتيننىڭ ايەلى نۋر سالمان ءومىر بويى باس بوستاندىعىنان ايرىلۋى مۇمكىن. سەبەبى ول 49 ادامنىڭ ءومىرىن قيعان لاڭكەسكە وسى ويىن ىسكە اسىرۋ ءۇشىن كومەكتەسكەن، دەپ حابارلايدى Associated Press. كاليفورنيا شتاتى سوتىنىڭ قورىتىندى شەشىمىنە سايكەس، ول كۇيەۋىنىڭ گەي-كلۋبقا شابۋىل جاسايتىنىن الدىن الا ءبىلىپ، ءتىپتى وعان بۇل قىلمىستى جاساۋ ءۇشىن كومەكتەسكەن. ەستەرىڭىزگە سالا كەتسەك، وتكەن جىلدىڭ 12 ماۋسىمىندا ورلاندو قالاسىنداعى Pulse گەي كلۋبىندا ەر ادام اۆتومات قارۋمەن 49 ادامدى اتىپ تاستادى. وقيعا سالدارىنان 50-دان اسا ادام جارالاندى. وقيعا ورنىنا جەتكەن پوليتسيا سول جەردە لاڭكەستىڭ كوزىن جويدى. ارتىنشا ونىڭ اۋعانستان جەرىنەن شىققان جانە سول كەزدە اقش-تا تۇراقتى تۇرىپ جاتقان 30 جاستاعى ومار ماتين بولعاندىعى انىقتالدى.   ءماتيننىڭ ايەلى اقش ازاماتشاسى نۋر سالماندى فەدەرالدى تەرگەۋ بيۋروسىنىڭ اگەنتتەرى 16 قاڭتار كۇنى تۇتقىنداعان بولاتىن.

نۇرسۇلۇ نايمانوۆا

Abai.kz