قازاقستان كىتاپ قورى جونىنەن الەمدە 41-ورىندا ەكەن. ەلىمىزدەگى ءاربىر مىڭ تۇرعىنعا 249 كىتاپتان كەلەدى. ال سول كىتاپتاردى وقۋ جاعىنان ستاتيستيكاعا سۇيەنسەك، سوڭعى ون بەس جىلدا17 ميلليون حالقىمىزدىڭ 17 پايىزى عانا كىتاپقا قىزىعۋشىلىق تانىتقان. قازىرگى زاماندا ادامداردىڭ ادەبي كىتاپتاردى وقۋعا دەگەن قۇلشىنىسى ازايا تۇسسە دە، كىتاپ قاشاندا ءبىلىمنىڭ قاينار كوزى بولىپ تابىلادى. ادامداردىڭ رۋحىن ساقتاپ، جۇرەگى مەن ميىن ازىقتاندىراتىن  كىتاپتىڭ پايداسى جايلى  8 فاكتىنى نازارلارىڭىزعا ۇسىنامىز.

1. كىتاپ وقۋ سوزدىك قورىڭىزدى بايىتادى. كىتاپتىڭ ىشىنەن وزىڭىزگە بەيمالىم ءسوزدى بايقاساڭىز انىقتاماسىن ءبىلىپ، ءتۇرتىپ قويعانىڭىز ابزال.

2. كىتاپتى كوپ وقىعان سايىن وزگەلەرگە ەلىكتەۋ دە ازايا تۇسەدى.

3. تيىننان تەڭگە قۇرالعانداي وقىلعان ءار كىتاپتان ءبىلىم جينالادى.

4. مي ءۇشىن كىتاپ وقۋ دەنەگە جاسالعان فيزيكالىق جاتتىعۋ سەكىلدى.

5. كىتاپ وقۋ پروتسەسسى ۇلكەن ميدى ۇزدىكسىز قوزعالىسقا سالادى سونىڭ ارقاسىندا كىتاپ وقۋ- ۇزاق ءومىر ءسۇرۋدىڭ كەپىلى ەكەن.

6.  كىتاپ ادامنىڭ ويلاۋ جۇيەسىن دامىتىپ، قيال كەڭىستىگىنە جول اشادى.

7. جىلدام ۋاقىتتا ويدى جۇيەگە كەلتىرۋدى قالىپتاستىرادى

8. كىتاپتى كوپ وقيتىن ادامدارعا وزگەلەرمەن ءتىل تابىسۋ الدەقايدا جەڭىل كەلەدى ەكەن.

تاڭ قالدىرار دەرەكتەر:

1. ناپولەون مينۋتىنا ەكى مىڭ ءسوز وقىعان.

 2. بالزاك روماننىڭ 200 بەتىن جارتى ساعاتتا وقيتىن بولعان.

3. م.گوركي مينۋتىنا ءتورت مىڭ ءسوز وقىعان.

4. ن.ا.رۋباكين ومىرىندە 250 مىڭ كىتاپ وقىعان.

سايتقا ازىرلەگەن بيبىگۇل جانداربەكقىزى

Abai.kz