سەنبى, 24 شىلدە 2021
جاڭالىقتار 2195 0 پىكىر 13 قاڭتار, 2017 ساعات 11:20

ەموماليدىڭ ۇلى دۋشانبە قالاسىنىڭ اكىمى بولىپ تاعايىندالدى

تاجىكستان پرەزيدەنتى ەمومالي راحموننىڭ ۇلكەن ۇلى دۋشانبە قالاسى اكىمدىگىنىڭ باسشىسى بولىپ تاعايىندالدى. رۋستام ەموماليدىڭ جاڭا قىزمەتى تۋرالى پرەزيدەنت سايتىندا جاريالاندى.

2015 جىلدىڭ ناۋرىزىندا 29 جاستاعى رۋستام ەمومالي جەمقورلىقپەن كۇرەس جانە قارجىنى باقىلاۋ جونىندەگى مەملەكەتتىك اگەنتتىگىنىڭ باسشىسى قىزمەتىنە تاعايىندالعان ەدى.

رۋستام ەمومالي دۋشانبە باسشىسى قىزمەتىندە 65 جاستاعى ماحمادسايد ۋبايدۋللوەۆتىڭ ورنىنا وتىردى. ۋبايدۋللوەۆ قالانى 20 جىل باسقارعان ەدى. ونىڭ قىزمەتىنەن كەتۋ سەبەبى حابارلانبادى.

تاجىكستاندا وتكەن جىلى كونستيتۋتسيالىق وزگەرىستەر قابىلدانىپ، ول بويىنشا ەمومالي راحموننىڭ پرەزيدەنتتىك سايلاۋعا قاتىسۋىنا شەكتەۋلەر الىنىپ تاستالدى، بۇعان قوسا پرەزيدەنتتىككە ۇمىتكەرلەردىڭ جاس مولشەرى 35-تەن 30-عا دەيىن تومەندەتىلدى.

اباي-اقپارات

0 پىكىر