سەيسەنبى, 19 قازان 2021
جاڭالىقتار 2712 0 پىكىر 9 قاڭتار, 2017 ساعات 16:28

ساعىنتاەۆ جاڭا مينيسترگە ازىق-تۇلىك باعاسىن وسىرمەۋدى تاپسىردى

ۇكىمەت ۇيىندە قر پرەمەر-ءمينيسترى باقىتجان ساعىنتاەۆ الەۋمەتتىك ماڭىزى بار ازىق-تۇلىك ونىمدەرىنە باعانىڭ وسۋىنە جول بەرمەۋ ماسەلەلەرى بويىنشا قر ۇلتتىق ەكونوميكا ءمينيسترى تيمۋر سۇلەيمەنوۆتىڭ ەسەبىن تىڭدادى، دەپ حابارلادى pm.kz.

وندا ۆەدومستۆوارالىق جۇمىس توبىنىڭ كۇندەلىكتى تۇتىناتىن الەۋمەتتىك ماڭىزى بار ازىق-تۇلىك ونىمدەرىنە باعانىڭ وسۋىنە جول بەرمەۋگە قاتىستى ءىس-شارالارى، سونداي-اق وڭىرلىك تۇراقتاندىرۋ قورلارىنىڭ جۇمىسى جانە ساۋدا ورىندارىن وتاندىق ازىق-تۇلىكپەن جەتكىلىكتى تۇردە قامتاماسىز ەتۋ ماسەلەلەرى تالقىلاندى.

پرەمەر-مينيستر ب. ساعىنتاەۆ ۋاكىلەتتى مەملەكەتتىك ورگاندارعا باعانىڭ نەگىزسىز ءوسۋىن بولدىرماۋ ءۇشىن قاجەتتى شارالاردى قابىلداۋدى جانە مونوپولياعا قارسى زاڭدىلىقتىڭ ورىندالۋىنا باقىلاۋدى كۇشەيتۋدى تاپسىردى.

Abai.kz

 

0 پىكىر