حالقىنىڭ سانى 5 مىڭنان اساتىن ءاربىر اۋىلدىڭ باس جوسپارى جاسالۋى كەرەك، - دەپ حابارلايدى اباي اقپارات وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

تۇستىكتە وسى ساناتقا ەنگەن 53 ەلدىمەكەن بار. كۇنى بۇگىنگە دەيىن سولاردىڭ 98 پايىزىنىڭ دامۋ باعىتى بەكىتىلگەن. ەندى سول قۇجاتقا ەنگەن جۇمىستاردى قالاي جۇزەگە اسىرۋ كەرەك؟ ول جۇمىستاردى جەرگىلىكتى ماماندارمەن بىرلەسە تالقىلاۋ ماقساتىندا مەملەكەتتىك قالا قۇرىلىسىن جوسپارلاۋ  جانە كاداستر ورتالىعىنىڭ ماماندارى وڭىرىمىزگە كەلىپ، العاشقى جيىنىن وتكىزدى.

وڭتۇستىك قازاقستان وبلىسىنىڭ ورتالىعى - شىمكەنت ەلىمىزدەگى بولاشاعى زور قالالاردىڭ ءبىرى. سوندىقتان،  القالى جيىندا وسى شاھاردىڭ دامۋ جوسپارى الدىمەن ءسوز بولدى. بۇل بويىنشا بايانداما جاساعان وبلىستىق ساۋلەت جانە قالا قۇرىلىسى باسقارماسىنىڭ باسشىسى ءتيىستى جۇمىستاردىڭ اتقارىلىپ جاتقانىن جەتكىزدى. ودان بولەك ءبىزدىڭ وڭىردەگى ءبىر قالا مەن التى اۋدانننىڭ وڭىرلىك دامۋ باعدارلاماسى بەكىتىلگەن.

ەركىن ءجۇسىپوۆ، وبلىستىق ساۋلەت جانە قالا قۇرىلىسى باسقارماسىنىڭ باسشىسى;

قر ۇكىمەتىنىڭ 2014 جىلعى 28 ماۋسىمداعى №728 قاۋلىسىمەن بەكىتىلگەن وڭىرلەردى دامىتۋدىڭ 2020 جىلعا دەيىنگى باعدارلاماسىن ىسكە اسىرۋ شەڭبەرىندە شىمكەنت قالاسىنىڭ، ارىس ق، بايدىبەك، قازىعۇرت، ورداباسى، سايرام، تولەبي، تۇلكىباس اۋداندارىنىڭ اۋماعىن قوسا العاندا، شىمكەنت اگلومەراتسياسىن اۋماقتىق دامىتۋدىڭ وڭىرارالىق سحەماسىن ازىرلەۋدە.

ايتىپ ءوتۋ كەرەك، وڭىرلەردى دامىتۋ باعدارلاماسى ەلىمىزدىڭ بارلىق ايماعىندا ىسكە اسۋدا. وسى جوبا اياسىندا 9 تەمىر جول ۆوكزالى جاڭعىرتىلىپ، مىڭداعان شاقىرىم ءىرى جولدار جوندەلەدى. سونىڭ ارقاسىندا ايماقتار اراسىندا بارىس-كەلىس جاقسارىپ، الىس-بەرىس نىعايادى. استانادان كەلگەن ماماندار ەندى وبلىستاعى اۋىلداردى ارالاپ، دامۋ باعىتىمەن تانىساتىن بولادى.

 اباي-اقپارات