قاراتاۋ ءتاجى سانالاتىن كەنتاۋلىقتار دا جىلىجاي شارۋاشىلىعىن دامىتپاق، - دەپ حابارلايدى اباي-اقپارات وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

كەندى ولكەگە قاراستى بايىلدىر اۋىلىندا وسى تاڭعا دەيىن ەشبىر تۇرعىن بۇل كاسىپپەن اينالىسپاعان. قازىر اۋماقتا كاسىپكەرلىكپەن قوسا، ينفراقۇرىلىمداۋ ءىسى دە يكەمگە كەلىپ، ەل ەڭبەكتىڭ نانى ءتاتتى ەكەنىن ۇققان.

ەڭبەككە ەپتى، ىسكە مىعىم كاسىپكەرلەر جىلىجاي شارۋاشىلىعىمەن اينالىسۋدى ءوز كۇشتەرىمەن باستاعان. ەندى مەملەكەتتەن ءتيىستى سۋبسيديا الۋعا ۇيرەندى. قارا جەردىڭ قىرتىسىن اينالدىرعان سەرىك سادىرباەۆ ەپتەگەنگە 8 سوتتىق جەر دە جەتەتىنىن ايتادى.

سەرىك سادىرباەۆ، كاسىپكەر;

ء«بىر رەت ءونىم الدىق. كۇزگىسى ءسال قيىنداۋ بولدى ۇيرەنبەگەننەن كەيىن. وسى ءۇشىنشى ەگۋىم. وسىدان 10-15 توننا الساق پا دەپ وتىرمىن. جانىنان قوسپاققا دەپ وتىرمىز...

قىس بويى قارا وتىن پايدالانىپ، ء«ونىمدى ۇسىككە شالدىرىپ المايىق!»، - دەپ الەككە تۇسكەندەر كۇن رايىنىڭ شارۋاعا قاراسىپ تۇرعانىنا قۋانادى. نۇربەك ومىربەكوۆ تە قارا جەردەن نەسىبەسىن ايىرىپ وتىر. ونىڭ جىلىجايى جەر استىندا. بۇل شارۋاعا تاڭسىق جۇرت كوپ. اۋىل اكىمدىگى قولدان كەلگەنشە كەز-كەلگەنگە قولداۋ كورسەتۋگە دايىنبىز،-دەيدى.

مارجان كريۆەنتسوۆا، بايىلدىر اۋىل وكرۋگىنىڭ اكىمى;

«جىلى جاي سالۋ قولعا الىنعان. ول بويىنشا مىناۋ ۇڭگىرساي جاقتاعى سەرىك سادىرباەۆتىڭ جىلىجايىن ايتۋعا بولادى. ەكىنشى كەزەكتە مىنە 2016 جىلعا بايىلدىر اۋىلىنىڭ ازاماتى ءوزىمىزدىڭ نۇربەك ومىربەكوۆ قولعا الدى جىلى جايدى. العان ءۇستانىمى ءوز كۇشىمەنەن ءوز ۇستانىمىمەنەن ءوز قولىنداعى بارىمەن ءوزى سالامىن دەگەن جىلىجايدى وسىنداي ماقساتپەنەن جاساپ جاتىر. ەگەر كرەديت الامىز دەگەن جاعدايدا، ءبىز وعان كومەكتەسۋگە دايىنبىز».

اباي-اقپارات